កិច្ចប្រជុំស្តីពីការ រៀបចំដង្ហែព្រះបរមសព អតីតព្រះមហាវីរៈក្សត្រកម្ពុជា
ភ្នំពេញ៖ ថ្លែងនៅក្នុងកិច្ចប្រជុំស្តីពីការ រៀបចំដង្ហែព្រះបរមសព អតីតព្រះមហាវីរៈក្សត្រ កម្ពុជា នៅសាលសន្និសីទចតុមុខ រាជធានីភ្នំពេញ នៅព្រឹកថ្ងៃទី១៤ មករា ២០១៣នេះ សមេ្តចចៅហ្វាវំាង គង់ សំអុល បានមានប្រសាសន៍ក្នុងពិធីនោះថា នឹងមានការដង្ហែសាកល្បងធ្វើឡើង ចំនួន២ថ្ងៃគឺ ទី១៩ និងទី២៦ ខែមករា ឆ្នាំ២០១៣ខាងមុខនេះ។
ជាមួយគ្នានោះលោក ខៀវ កាញារិទ្ធ រដ្ឋមន្រ្តីក្រសួងព័ត៌មាន មានប្រសាសន៍ក្នុងពិធីនោះផងដែរថា រហូតមកដល់ ថ្ងៃទី១៤ខែមករានេះ អ្នកកាសែតជិត១០០០នាក់ បានមកចុះឈ្មោះយកព័ត៌មាន ហើយអ្នកកាសែត ត្រូវស្លៀកសំលៀកបំពាក់ ខោខ្មៅ – អាវស ៕
