សូមជប្រជាពលរដ្ឋអោយដឹងពីខ្សែរត់រថយន្តក្រុងរបស់រដ្ឋ ដែលកំពុងដំណើរការរៀងរាល់ថ្ងៃ
សារព័ត៌មាន Cambodia News/
ភ្នំពេញ (១៤ កុម្ភៈ ២០១៨) ៖ ដើម្បីសម្រួលដល់ការធ្វើដំណើរ របស់ប្រជាពលរដ្ឋ ក្នុងរាជធានីភ្នំពេញ និងកាត់បន្ថយ ការកកស្ទុះចរាចរណ៍ផងដែរនោះ រាជរដ្ឋាភិបាលកម្ពុជា បានបង្កើតឲ្យមានរថយន្តក្រុងសាធារណៈ សម្រាប់ជួយដឹកជញ្ជូន សិស្ស និស្សិត ព្រះសង្ឃ ជនចាស់ជរា កម្មករ កម្មការិនី និងកីឡាករ កីឡាការិនី ដោយឥតគិតថ្លៃ។
ដើម្បីអោយកាន់តែច្បាស់ពីកម្មវិធី សូមជម្រាបជូនទស្សនិកជន អោយបានដឹងពីខ្សែរត់ របស់រថយន្តក្រុងរបស់រដ្ឋ ដែលកំពុងដំណើរការរៀងរាល់ថ្ងៃ មាន៩ខ្សែរត់គឺៈ
ខ្សែរត់ទី១៖ ពីចំណតគីឡូម៉ែត្រលេខ៩ ដល់ចំណតបឹងឈូក (ច្បារអំពៅ)
ខ្សែរត់ទី២៖ ពីផ្សារអ៊ីអន២ ដល់ក្រុងតាខ្មៅ
ខ្សែរត់ទី៣៖ ពីសួនច្បារឬស្សីកែវ ដល់បុរីសន្តិភាព២
ខ្សែរត់ទី៤A៖ ពីសួនច្បារឬស្សីកែវ ដល់បុរីសន្តិភាព២
ខ្សែរត់ទី៤B៖ ពីសួនច្បារឬស្សីកែវ ដល់តំបន់សេដ្ឋកិច្ចពិសេសភ្នំពេញ
ខ្សែរត់ទី៥៖ ពីផ្សារអ៊ីអន២ ដល់ផ្សារអ៊ីអន១
ខ្សែរត់ទី៦៖ ផ្សាររុងរឿង (ជ្រាយចង្វារ) ដល់ផ្សារសេនជូរីផ្លាហ្សា (ពោធិ៍សែនជ័យ)
ខ្សែរត់ទី៧A៖ ពីគីឡូម៉ែត្រលេខ៩ ដល់ផ្សារអ៊ីអន១
ខ្សែរត់ទី៧B៖ ពីគីឡូម៉ែត្រលេខ៩ ដល់ផ្សារច្បារអំពៅ
ខ្សែរត់ទី៨៖ ពីគីឡូម៉ែត្រលេខ៩ ដល់ផ្សារបុរីរុងរឿងចេញ
ខ្សែរត់ទី៩៖ ពីបុរីសន្តិភាព២ ដល់តំបន់សេដ្ឋកិច្ចពិសេសភ្នំពេញ
សូមបញ្ជាក់ផងដែរ នៅតាមបណ្តាចំណតរថយន្តក្រុងទាំងអស់ ក៏មានបញ្ជាក់ពីកាលវេលាព្រមទាំងទីតាំងដែលត្រូវឆ្លងកាត់ទៀតផង។ ហេតុនេះ ប្រសិនបើបងប្អូនជនរួមជាតិ ចង់ដឹងក៏អាចអានបានទាំងអស់គ្នា៕
