គ្រោះចរាចរណ៍ទូទាំងប្រទេស ថ្ងៃទី២២កញ្ញា ស្លាប់ ៥នាក់ របួស១៩នាក់
សារព័ត៌មាន Cambodia News/
ភ្នំពេញ (២៣ កញ្ញា ២០១៦) ៖ តាមរបាយការណ៍ ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានបញ្ជាក់ឲ្យដឹងថា នៅថ្ងៃទី២២ ខែកញ្ញា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេស បានកើតឡើងចំនួន៧លើក ។
ក្នុងនោះយប់៣លើក បណ្តាលឲ្យមនុស្សស្លាប់៥នាក់ រងរបួសធ្ងន់៩នាក់ ស្រាល១០នាក់។
របាយការណ៍ដដែល បានឲ្យដឹងទៀតថាគ្រោះថ្នាក់ទាំង៧លើកនេះ បណ្ដាលឲ្យខូចខាតយានយន្ដ សរុបចំនួន១៣គ្រឿង រួមមានម៉ូតូ ចំនួន១០គ្រឿង រថយន្ដធុនតូច ចំនួន១គ្រឿង រថយន្ដធុនធំ ២គ្រឿង។
មូលហេតុ ដែលបណ្ដាលឲ្យមានគ្រោះថ្នាក់ចរាចរណ៍ រួមមានល្មើសល្បឿន៣លើក មិនប្រកាន់ស្ដាំ១លើក ស្រវឹង១លើក ប្រជែង២លើក ក្នុងនោះអ្នកមិនពាក់មួកសុវត្តិភាព ពេលគ្រោះថ្នាក់ចរាចរណ៍ចំនួន១១នាក់៕
