ភិន សុដាលិស បើកសន្និសីទកាសែត នារសៀលនេះ
សារព័ត៌មាន Cambodia News/
កម្សាន្ត (២៥ កក្កដា ២០១៦) ៖ នាព្រឹកថ្ងៃទី២៥ កក្កដា នេះប្រភពពីក្រុមការងារផលិតកម្មមហាហង្សបានឱ្យដឹងថា អ្នកនាងភិន សុដាលិស នឹងធ្វើសន្និសីទកាសែតនៅវេលាម៉ោង៣រសៀលថ្ងៃទី២៥ កក្កដា ២០១៦ ស្ថិតក្នុងទីស្នាក់ការផលិតមហាហង្ស ក្បែររង្វង់មូលទួលគោក រាជធានីភ្នំពេញ ។
ប្រភព បន្តថា សន្និសីទនោះ គឺស្តីពីការសុំទោសដល់ឪពុកម្តាយរបស់នាង ដែលខ្លួនបានធ្វើដោយសាររឿងស្នេហា ធ្វើឱ្យនាងខុសឆ្គង រហូតក្លាយជានារីមេម៉ាយក្មេងខ្ចី ទាំងមិនស្តាប់បង្គាប់ការណែនាំពីចាស់ទុំនោះ ជាមួយគ្នានោះ អ្នកនាងសុដា លិស ក៏នឹងលើកយកពីបញ្ហាលែងលះដាច់ស្រេចរវាងនាង និងលោកប៉ែន ចំរ៉ុង ប្រកាសជាសាធារណៈជនឱ្យបានជ្រាបជាលម្អិតផងដែរ ៕
