គ្រោះថ្នាក់ចរាចរណ៍ម្សិលមិញ ស្លាប់៤ របួសធ្ងន់-ស្រាល១១
សារព័ត៌មាន Cambodia News/
ភ្នំពេញ (១១ កក្កដា ២០១៦) ៖ កាលពីថ្ងៃទី១០ កក្កដា ២០១៦ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៧លើក (យប់៤លើក) មនុស្សស្លាប់៤នាក់ (ស្រី១នាក់) រងរបួសធ្ងន់១០នាក់ (ស្រី៤នាក់) របួសស្រាល១នាក់ (ប្រុស) ។ នេះយោងតាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់ ។
ក្នុងហេតុការណ៍គ្រោះថ្នាក់ចរាចរណ៍ទាំង៧លើកនេះ បណ្តាលឱ្យខូចខាតយានយន្តសរុបចំនួន១៣គ្រឿង រួមមានម៉ូតូចំនួន៦គ្រឿង, រថយន្តធុនតូច៤គ្រឿង, រថយន្តធំ២គ្រឿង,យានផ្សេងៗ១គ្រឿង ។
ចំពោះមូលហេតុដែលបណ្តាល ឱ្យកើតមានករណីគ្រោះថ្នាក់ចរាចរណ៍ រួមមានល្មើសល្បឿន៣លើក ស្លាប់១នាក់, ស្រវឹង១លើកស្លាប់៣នាក់, បត់គ្រោះថ្នាក់២លើក, កត្តាយានយន្ត១លើក ។ ក្នុងនោះ អ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៨នាក់ (យប់៦នាក់)៕
