ធី សុវណ្ណថា និង ស្រី ចំរើន ត្រៀមកម្លាំងរាប់ពាន់នាក់ ដើម្បីសម្តែងមតិគាំទ្រចំណាត់ការតុលាការ
សារព័ត៌មាន Cambodia News/
ភ្នំពេញ (៣០ ឧសភា ២០១៦) ៖ កញ្ញា ធី សុវណ្ណថា សកម្មជនគាំទ្រគណបក្សសង្គ្រោះជាតិដ៏សកម្ម និងលោក ស្រី ចំរើន ប្រធានក្រុមនិស្សិតមួយចំនួន បានរួមគ្នាប្រកាសថា ត្រៀមកម្លាំងរាប់ពាន់១០០០នាក់ ដាក់នៅខាងមុខសណ្ឋាគារកាំបូឌីយ៉ាណា ក្បែរព្រះបរមរាជវាំងដើម្បីសម្តែងមតិគាំទ្រ ចំពោះចំណាត់ការរបស់តុលាការលើ លោក កឹម សុខា ប្រធានស្តីទីគណបក្សសង្រ្គោះជាតិ។
គម្រោងជួបជុំគ្នារបស់ក្រុមទាំងពីរនេះ បានធ្វើឡើងស្របពេលដែល គណបក្សសង្រ្គោះជាតិ គ្រោងហែញតិទៅកាន់ព្រះបរមរាជវាំង ដើម្បីសុំព្រះរាជអន្តរាគមន៍ពីព្រះមហាក្សត្រ នៅម៉ោង២៖០០រសៀល ថ្ងៃទី៣០ ខែឧសភា ឆ្នាំ២០១៦នេះ៕
