តើអ្នកសារព័ត៌មានឆ្នើមជាជ័យលាភី៧រូបជានរណានៅខែសីហានេះ?
សារព័ត៌មាន Cambodia News/
ដោយ ហេង នាង/
ភ្នំពេញ (៤ ឧសភា) ៖ អង្គការមូលនិធិបង្ការរបួសអាស៊ី (AIP Foundation) ប្រចាំកម្ពុជានៅថ្ងៃពុធ នេះបានប្រកាសជាផ្លូវការថា ខ្លួនរួមជាមួយសាធារណជននឹងជ្រើសរើសអ្នកសារព័ត៌មានទាំងផ្នែកបោះពុម្ព ផ្នែករលកអាកាស និងផ្នែកអ័នឡាញចំនួន៧រូប ជាជ័យលាភីនៅខែសីហាខាងមុខនេះចំពោះអត្ថបទល្អទាក់ទិន នឹងសុវត្ថិភាពចររចរណ៍ផ្លូវគោគ។
ជ័យលាភីនឹង តទួលបានរង្វាន់ជាប្រាក់និងបានទៅទស្សនកិច្ចនៅប្រទេសក្នុងតំបន់ ដើម្បីផ្លាស់ប្តូរបទពិសោធន៍ការងារនៅខែសីហាខាងមុខ។ការផ្តល់ពិន្ទុ ដល់អត្ថបទត្រូវចែកចេញជាពីរផ្នែក គឺទីមួយគឺវាយតម្លៃពីសំណាក់គណៈកម្មាការកំណែដែលមានអ្នក ជំនាញទាំងសារព័ត៌មាននិងអ្នកជំនាញផ្នែកចរាចរណ៍ផ្លូវគោក និងទីពីរការវាយតម្លៃពីមហាជនតាមរយៈហ្វេសប៊ុក ហើយការវាយតម្លៃនេះផ្តោតលើខ្លឹមសារ គុណភាព និងប្រសិទ្ធភាពនៃអត្ថបទ និងមានការចុច Like និង Share នៅក្នុងហ្វេសប៊ុក (Facebook)។
អត្ថបទដែលត្រូវចូលរួមប្រកួតប្រជែងគឺអត្ថបទដែលបានផ្សាយក្នុងស្ថាប័នសារព័ត៌មានរបស់ខ្លួនចាប់ពីថ្ងៃទី៤ ឧសភានេះទៅ រហូតដល់ថ្ងៃទី១៧ មិថុនា ២០១៦។ ថ្លែងនៅក្នុងពិធីប្រការសនោះ លោក គឹម បញ្ញា នាយកអង្គការមូលនិធិ AIP បានបញ្ជាក់ថា ការជ្រើសរើសនេះធ្វើឡើងក្នុងគោលបំណងទទួល
លោកបន្តថា ការជ្រើសរើសនេះក៏មាន បំណងលើកទឹកចិត្តអ្នកសារព័ត៌មានឲ្យប្រើប្រាស់វិជ្ជាជីវៈសារព័ត៌មានប្រកប ដោយប្រសិទ្ធភាព និងភាពច្នៃប្រឌិតខ្ពស់ក្នុងការឆ្លើយ តបនឹងបញ្ហាមិនពាក់មួកសុវត្ថិភាពតាមរយៈអត្ថបទរបស់ខ្លួន ដែលអាចលើកទឹកចិត្តសាធារណជនឲ្យផ្លាស់ប្តូរឥរិយាបថ ដើម្បីឲ្យពួកគេដោយរួមទាំងកុមារផងត្រូវពាក់មួកសុវត្ថិភាពនៅពេលធ្វើ ដំណើរតាមទោចក្រយាយន្ត។
ថ្លែង នៅក្នុងពិធីនោះដែរ លោកឧត្តមសេនីយទោ ទី ឡុង អនុប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការនរគបាលជាតិបាននិយាយថា ក្នុងនាមអគ្គស្នងការនរគបាលជាតិ លោកកោតសរសើរនិងថ្លែងអំណរគុណចំពោះទឹកចិត្តមនុស្សធម៌របស់អ្នក សារព័ត៌មានក្នុងការចូលរួមចំណែកជំរុញការពាក់មួយសុវត្ថិភាពរបស់ អ្នកធ្វើដំណើរតាមទោចក្រយានយន្ត ដោយរួមទាំងកុមារផង។
លោក បានបញ្ជាក់ អ្នកសារព័ត៌មានពិតជាមានតួនាទីដ៏សំខាន់ក្នុងការផ្លាស់ប្តូរ ឥរិយាបថសាធារណជនឲ្យពាក់មួកសុវត្ថិភាព ពេលធ្វើដំណើរ ព្រោះថា គ្រាន់តែខែមេសាមួយប៉ុណ្ណោះមាន អ្នកធ្វើដំណើរតាមទោចក្រយានយន្តស្លាប់ដល់ទៅ១៣៦នាក់ ក្នុងនោះមាន៩៣នាក់មិនបានពាក់មួកសុវត្ថិភាព៕