លីឡា បង្ហោះសារផ្អែមល្ហែមជាមួយ អាន គុណកូឡា លើ Facebook
សារព័ត៌មាន Cambodia News/
កម្សាន្ត (២៩ មករា ២០១៦) ៖ កញ្ញា លីឡា តារាសិចស៊ីដែល និយមស្លៀកពាក់ខើចខ្លី បញ្ចេញសាច់ដើមទ្រូង ថ្មីៗ បង្ហោះសារផ្អែមល្ហែមជាមួយ អាន គុណកូឡា លើ Facebook ធ្វើឲ្យទស្សនិកជនគិតថា តារាមួយគូនេះ មានទំនាក់ទំនងស្នេហា ជាមួយគ្នានោះ គឺនៅពេលដែលបានឃើញម្ចាស់សាម៉ីខ្លួននាង លីឡា បានបង្ហោះសារមួយ ភ្ជាប់មកជាមួយរូបភាព អោបរឹតរវាងនាង និងលោក អាន គុណកូឡា ដោយនាងបានសរសេរថា «Mean Avey Avey min same mean bong» ដែលមានន័យថា «មានអ្វីៗមិនស្មើមានបង»
ការបង្ហោះសារផ្អែមល្ហែមជាមួយ អាន គុណកូឡា លើ Facebook នេះ បានបង្ហោះ រូបភាពសិ្នទ្ធស្នាល ជាមួយតារាចម្រៀង ប្រចាំផលិតកម្មសាន់ដេលោក អាន គុណកូឡា នៅលើ Facebook របស់ខ្លួន ដោយធ្វើឲ្យអ្នកលេងបណ្តាញនេះ រួមជាមួយអ្នកគាំទ្រ ពួកគេទាំងពីរនាក់ មានការភ្ញាក់ផ្អើល ថា ពួកគេទាំងពីរនាក់ មានទំនាក់ទំនងស្នេហាជាមួយគ្នា តាំងពីពេលណា ព្រោះថាបើតាមរូបភាពនោះ បានសរបញ្ជាក់ ឲ្យឃើញថាតារាមួយគូនេះ មានភាពផ្អែមល្ហែមស្និទ្ធស្នាលជាមួយគ្នា ប្រៀបដូចជាគូស្នេហ៍ថ្មីថ្មោង។
តាមរយៈរូបភាព ជាច្រើនសន្លឹក កញ្ញា លីឡា បានបង្ហោះជាសាធារណៈ បង្ហាញឲ្យមហាជនបានឃើញ ពីទំនាក់ទំនងផ្អែមល្ហែម រវាងនាងនិងបុរសសង្ហា លោក អាន គុណកូឡា បើតាមមើលរូបភាពនោះ ពួកគេទាំងពីរនាក់ បានសម្ងំបង្កាត់ភ្លើងស្នេហ៍ បែបរ៉ូមែនទិក ជាមួយគ្នា ដោយកាយវិការអោបរឹតគ្នា ប្រៀបដូចជាគូស្នេហ៍ ថ្មីថ្មោងដែលមាន ក្តីស្រលាញ់ពេញបេះដូង មិនចាញ់គូស្នេហ៍ដទៃឡើយ ៕
