លោក គីម ជុងអ៊ុន ក៏មានការព្រួយបារម្ភពីការប្រែប្រួលអាកាសធាតុដែរ
សារព័ត៌មាន Cambodia News/
កូរ៉េខាងជើង (០៨ ធ្នូ ២០១៥) ៖ ដែលកន្លងមក មេដឹកនាំកំពូលរបស់កូរ៉េខាងជើងលោកគីម ជុងអ៊ុន ហាក់ដូចជាសកម្មយ៉ាងខ្លាំងចំពោះកម្មវិធីអាវុធនុយក្លេអ៊ែររបស់ខ្លួន ហើយក៏ត្រូវអង្គការសហប្រជាជាតិនិងអាមេរិកផងថ្កោលទោសយ៉ាងខ្លាំង ចំពោះកម្មវិធីអាវុធនុយក្លេអ៊ែរនេះ ក៏មានចិត្ដនឹកបារម្ភពីការប្រែប្រួលអាកាសធាតុដែរ។
តាមការបញ្ជាក់ពីរដ្ឋមន្ដ្រីការបរទេសកូរ៉េខាងជើងនិយាយកាលពីថ្ងៃទី០៧ធ្នូក្នុងកិច្ចពិភាក្សានៅក្រុងប៉ារីសស្ដីពីការប្រែប្រួលអាកាសធាតុ លោកថាលោកគីម ជុងអ៊ុនបានប្រឆាំងយ៉ាងខ្លាំងចំពោះការកាប់បំផ្លាញព្រៃឈើ ដែលជាកត្ដាមួយធ្វើឲ្យប៉ះពាល់ដល់បរិស្ថាននិងឈានដល់ការប្រែប្រួលអាកាសធាតុ។
លោករដ្ឋមន្ដ្រីការបរទេសកូរ៉េខាងជើងបានបន្ដទៀតថា កូរ៉េខាងជើងគ្រោងនឹងបំពេញនូវការផ្ដួចផ្ដើមដាំដើមឈើក្នុងទ្រង់ទ្រាយធំនៅទសវត្សក្រោយ ដែលកត្ដានេះនឹងអាចជួយកាត់បន្ថយការប្រែប្រួលអាកាសធាតុតាមរយៈការកាត់បន្ថយការភាយចេញឧស្ម័នផ្ទះកញ្ចក់៕
