ថ្នាំបាញ់មូសអាចបង្កផលប៉ះពាល់ដល់សុខភាព
សារព័ត៌មាន Cambodia News/
សុខភាព (១៧ វិច្ចិកា ២០១៥) ៖ តាមការស្រាវជ្រាវរបស់មជ្ឈមណ្ឌលស្រាវជ្រាវជំងឺហឺតសហរដ្ឋអាមេរិកបានបង្ហាញថា៥៧ភាគរយនៃអ្នកជំងឺហឺតតែងតែជួបបញ្ហាដកដង្ហើមដូចជាមានប្រតិកម្មសួតក្រោយពេលប្រើប្រាស់ថ្នាំបាញ់មូសច្រើនហើយអ្នកដែលមិនមានជំងឺហឺតក៏មានបញ្ហាផងដែរពេលប្រើប្រាស់ថ្នាំបាញ់មូស។
ថ្នាំបាញ់មូសក៏ជ្រាបចូលតាមស្បែកដែលងាយស្រួលក្នុងការជ្រាបចូលក្នុងឈាម និងបានរាលដាលពាសពេញរាងកាយតាំងពីពោះវៀន ថ្លើម សួត តំរងនោម ខួរក្បាលផងដែរ។
តាមការសិក្សាស្រាវជ្រាវផ្សេងទៀតបានបង្ហាញថា ថ្នាំបាញ់មូសអាចបណ្តាលឲ្យបាត់បង់ជីវិតប្រសិនជាប្រើប្រាស់វាមិនបាន ត្រឹមត្រូវព្រោះថ្នាំបាញ់មូសមានឥទ្ឋិពលលើប្រព័ន្ឋប្រាសាទមជ្ឈឹមប្រព័ន្ឋ សសៃឈាមបេះដូង និងប្រព័ន្ឋដង្ហើមផងដែរ។
ដើម្បីជៀសវាងការបង្កគ្រោះថ្នាក់ដល់សរីរាង្គ ក្នុងករណីត្រូវបាញ់សម្លាប់មូសត្រូវអនុវត្តន៍គោលការណ៍ដូចជាមិនប្រើប្រាស់ថ្នាំបាញ់មូសលើស្នាមដាច់រលាត់ មិនបាញ់ នៅក្នុងបន្ទប់បិទជិតតែត្រូវការបើកបង្អូចមិនបាញ់ថ្នាំនៅកន្លែងទុកដាក់អាហារ និងមិនបាញ់ក្នុងបន្ទប់ដែលមានកុមារ៕ ប្រែសម្រួលដោយ៖ រត្តនៈ
