ថ្ងៃទី១០ វិច្ឆិកា ជាខួបលើកទី៣៩ឆ្នាំនៃការស្លាប់ពលរដ្ឋខ្មែរជាច្រើនលាននាក់ក្នុងរបបប៉ុលពត
សារព័ត៌មាន Cambodia News/
ភ្នំពេញ (១០ វិច្ចិកា ២០១៥) ៖ នៅថ្ងៃទី១០ខែវិច្ឆិកាឆ្នាំ២០១៥នេះ ជាខួបនៃការស្លាប់បាត់បង់ជីវិតពលរដ្ឋខ្មែរជាច្រើនលាននាក់ក្នុងរបបវាលពិឃាតប៉ុលពត(១៩៧៥-១៩៧៩)។ នៅក្នុងចំណោមប្រជាពលរដ្ឋខ្មែរជាច្រើនលាននាក់ដែលបានស្លាប់បាត់បង់ជីវិត ក៏មានកូនប្រុសរបស់សម្តេច ហ៊ុន សែន នាយរដ្ឋមន្ត្រីនៃព្រះរាជាណាចក្រកម្ពុជា ម្នាក់ផងដែរ។
តាមរយៈទំព័រហ្វេកប៊ុកផ្ទាល់ខ្លួនរបស់សម្តេច ហ៊ុន សែន នៅថ្ងៃទី១០វិច្ឆកានេះ សម្តេចបានសំដែងអារម្មណ៍សោកស្តាយយ៉ាងខ្លាំងជាទីបំផុត ជាមួយប្រជាពលរដ្ឋខ្មែរទូទាំងប្រទេស ដែលបានបាត់បង់ ឪពុក ម្តាយ ប្តី ប្រពន្ធ កូន ចៅ និងសាច់សារលោហិតជាទីស្រឡាញ់របស់ខ្លួន នៅក្នុងរបបដ៏សាហាវឃោឃៅយង់ឃ្នងនេះ។
នៅក្នុងឱកាសនេះ សម្តេច ហ៊ុន សែនបានបួងសួងដល់វិញ្ញាណក្ខ័ន្ធ កូនប្រុសដ៏កំសត់របស់សម្តេច និងប្រជាពលរដ្ឋខ្មែររងគ្រោះទាំងអស់ បានសោយសុខនៅឋានបរមសុខ និងសូមប្រជាពលរដ្ឋខ្មែរទូទាំងប្រទេសរស់នៅក្នុងសន្តិភាព និងរីកចម្រើនជានិរន្តន៍៕
