បុរសជនជាតិចិនម្នាក់ស្លាប់ក្នុងហេតុការណ៍ឆេះរោងចក្រនៅខណ្ឌពោធិសែនជ័យ
សារព័ត៌មាន Cambodia News/
ភ្នំពេញ (២៨ កក្កដា ២០១៤) ៖ នៅម៉ោងជាង៨ព្រឹក ថ្ងៃទី២៨ ខែកក្កដា នេះ ក្រុមសមត្ថកិច្ចពន្លត់អគ្គិភ័យ បានរកឃើញសាកសពបុរសជនជាតិចិនម្នាក់បានស្លាប់នៅក្នុបន្ទប់ទឹកនៃរោងចក្រ រោងចក្រឆាំងស៊ីង ស្ថិតនៅតាមផ្លូវបេតុង ភូមិទួលពង្រ សង្កាត់ចោមចៅ ខណ្ឌពោធិសែនជ័យ ដែល រោងចក្រនេះ ត្រូវបានឆេះចាប់តាំងពី ម៉ោងជាង៣ទៀបភ្លឺថ្ងៃទី២៨ខែកក្កដា។
ជនរងគ្រោះឈ្មោះ យ៉ាង អាយុ ៤២ឆ្នាំ ជាមេការរោងចក្រ រោងចក្រខាងលើ ត្រូវបានភ្លើងឆាបឆះខ្ទេចអស់ទាំងស្រុង ក្នុងនោះ មាន សម្ភារៈ ដូចជាម៉ាស៊ីនដេរ ក្រណាត់ ជាដើម។
ចំណែកតួអគាររោងចក្រទាំងមូលបានបាក់ស្រុត ដួលរាបដល់ដី។ រោងចក្រនេះមានកម្មករកំពុងបម្រើការប្រមាណជាង១ពាន់នាក់ មូលហេតុនៃឧប្បត្តិហេតុនេះតាមសេចក្តីរាយការណ៍ជំហានដំបូង គឺបណ្តាលមកពីទុស្សេខ្សែភ្លើង៕
