ឧទ្ធម្ភាគចក្រមួយគ្រឿង បានធ្លាក់ នៅ សង្កាត់ព្រៃស ខណ្ឌដង្កោ មិនទាន់ដឹងមូលហេតុ
សារព័ត៌មាន Cambodia News/
មនុស្ស៥នាក់បានស្លាប់បាត់បង់ជីវិត និងម្នាក់ទៀតបានរងរបួស ក្នុងហេតុការណ៍ធ្លាក់ ឧទ្ធម្ភាគចក្រមួយគ្រឿង នៅសង្កាត់ព្រៃស ខណ្ឌដង្កោ កាល ពីវេលាម៉ោង៩និង៣០នាទីព្រឹកថ្ងៃទី១៤ ខែ កក្កដា។នៅក្នុងឧទ្ធម្ភាគចក្រនោះ មានមនុស្សជិះ ចំនួន៦នាក់ជាប្រភេទ Z9 របស់ប្រទេសចិន ដែលកម្ពុជា បានទិញមកពីចិន ចំនួន ១២ គ្រឿង កាលពីឆ្នាំ២០០៩។
ប្រភពព័ត៌មានបានឲ្យដឹងថា ឧទ្ធម្ភាគចក្រដែលធ្លាក់នេះ ផលិតប្រទេសចិន ហើយទើបនឹងយកមកប្រើ នៅអង្គភាព ហ្វឹកហ្វឺនយោធា ទ័ពអាកាស ៩០៤ ។ ហើយឧទ្ធម្ភាគចក្រនេះអាចផ្ទុកមនុស្សបាន៨នាក់ តែយ៉ាងណាក៏ដោយ គេមិនទាន់ដឹងថា ការធ្លាក់ឧទ្ធម្ភាគចក្រ នេះបណ្តាលមកពីមូលហេតុអ្វីនោះទេ។ នេះបើតាមការបញ្ជាក់ឲ្យដឹងពីអាជ្ញាធរប្រចំាការនៅតំបន់នោះ។
ព័ត៌មានបឋម បានបង្ហាញថា លើឧទ្ធម្ភាគចក្រនោះ មានលោកឧត្តមសេនីយ៍ទោ អ៊ុក វ័ន្តហា មេបញ្ជាការកងឧទ្ធម្ភាគច្រក និងជាអ្នកបើកយន្តហោះរបស់កងទ័ពជើងចាស់។ ឧត្តមសេនីយ៍ទោ អ៊ុក វ័ន្តហា និងឧត្តមសេនីយ៍ត្រី អៀង វណ្ណរិទ្ធ មេបញ្ជាការកងឧទ្ទម្ភាគចក្រ និងជាស្នងការរងបច្ចេកទេស ត្រូវបានស្លាប់ ។ប្រភពព័ត៌មានពីមន្ត្រីកងព័ទ្ធអាកាស បានឲ្យដឹងថា អ្នកបើកបរទាំង៥នាក់ខាងលើនេះ ទើបតែរៀនបាន៦ខែ ហើយមានអាយុចាប់៤០ឆ្នាំ ឡើង ៦០ឆ្នាំ ។
បច្ចុប្បន្ន កម្លាំងសមត្ថកិច្ច កំពុងបញ្ជូនអូរប័រ ដើម្បីទៅជួយសង្គ្រោះ កន្លែងធ្លាក់ឧទ្ធម្ភាគចក្រនោះហើយ នៅពេលនេះឧទ្ធម្ភាគចក្រមួយគ្រឿង បានស្ទូចអូរប័រ ដាក់ចុះទៅក្នុងរណ្តៅដី ដែល គិតពីជម្រៅទឹក ប្រហែល២០ម៉ែត្រឯណោះ ដោយមិនទាន់គិតពី មាត់ណ្តៅជិត១០ម៉ែត្រទៀតនោះ។ចំនែក ជនរងគ្រោះដែលរងរបួស ត្រូវបានដឹក បញ្ជូនទៅសង្គ្រោះនៅមន្ទីរពេទ្យរុស្ស៊ី ៕
