ការបង្រ្កាបលើការតវ៉ាប្រឆាំងបន្តធ្វើឡើងក្នុងប្រទេសថៃ
សារព័ត៌មាន Cambodia News/
ថៃ (០៤ មិថុនា ២០១៤) ៖ នៅថ្ងៃទី០៤ មិថុនា នេះ កងយោធារបស់ប្រទេសថៃកំពុងរៀបចំព្រឹត្តិការណ៍សាធារណៈមួយ ដើម្បីគាំទ្ររដ្ឋប្រហារដែលបានដឹកនាំដោយនាយអគ្គសេនាធិការកងទ័ព។
កងយោធាបានហាមឃាត់ការប្រមូលផ្ដុំនៅទីសាធារណៈដែលមានមនុស្សចាប់ពី ៥នាក់ឡើងទៅ។ ប៉ុន្តែព្រឹត្តិការណ៍ប្រមូលផ្ដុំកងទ័ពនៅថ្ងៃពុធនេះ ដែលត្រូវបានធ្វើឡើងដើម្បីគាំទ្រការធ្វើរដ្ឋប្រហារ គឺជាករណីលើកលែង។
កងយោធាហៅព្រឹត្តិការណ៍នេះថា «សេចក្ដីសុខត្រឡប់មកវិញ» ដែលនឹងមិនសង្កត់ធ្ងន់ទៅលើនយោបាយទេ។ ព្រឹត្តិការណ៍នេះនឹងត្រូវបានធ្វើឡើងនៅវិមានជ័យជម្នះ ដែលធ្លាប់មានការធ្វើបាតុកម្មតូចៗប្រឆាំងនឹងការធ្វើរដ្ឋប្រហារ៕
