ទេព សម្ផស្ស ហ៊ឺហាក្នុងខុនដូ
សារព័ត៌មាន Cambodia News/
ភ្នំពេញ(២០ មិនា ២០១៤)៖ ទេព សម្ផស្ស បានបង្ហាញនូវភាពហ៊ឺហាក្នុងជីវភាពរបស់ខ្លួនតាមរយៈការរស់នៅ ក្នុងខុនដូដែលមួយខែត្រូវចំណាយសម្រាប់ការជួលជាងមួយពាន់ដុល្លារ ក្រៅពីការរស់នៅយ៉ាងហ៊ឺហានេះ ទេព សម្ផស្ស ក៏តែងតែចេញទៅដើរលេងនៅឯក្រៅប្រទេសជាញឹកញាប់ផងដែរ ។
តួឯក ស្រីក្នុងរឿង «ជីវិតនាងរក្សា» នាង ទេព សម្ផស្ស បានអះអាង បច្ចុប្បន្ននាងពិតជាកំពុងរស់នៅក្នុងខុនដូមួយកន្លែងម្តុំទួល គោក ជាមួយនឹងក្រុមគ្រួសាររបស់នាងពិតប្រាកដមែន ដែលការចំណាយក្នុងការជួលក្នុង១ខែ ចំនួន១.១០០ដុល្លារអាមេរិក ។
យ៉ាង ណាក៏ដោយ ទេព សម្ផស្ស បានទទួលស្គាល់ថា បើតាមលទ្ធភាបរបស់នាង គឺមិនអាចជួលស្នាក់អាស្រ័យបានឡើយ តែនេះគឺជាការជួយទំនុកបម្រុងទាំងស្រុងពីមិត្តប្រុសរបស់នាងដែល ជាជនជាតិហ្វីលីពីន ។
ទេព សម្ផស្ស បន្ថែមថា មិត្តប្រុសរបស់នាង គឺជាជនជាតិហ្វីលីពីនដែលមានវ័យជាង៣០ឆ្នាំ ហើយបច្ចុប្បន្នកំពុងធ្វើការងារនៅក្នុងប្រទេសកម្ពុជា ហើយពួកនាងទាំងពីរបានចាប់ចិត្តស្រឡាញ់គ្នាជាច្រើនឆ្នាំមកហើយ តាមរយៈការស្គាល់គ្នាពេលចូលរួមពិធីរបស់មិត្តភក្តិស្រីរបស់នាង ។
នាង បញ្ជាក់ថា មិត្តប្រុសរបស់នាងតែងតែ ជួយផ្ចុងផ្ដើមនាងជាបន្តបន្ទាប់ ហើយនាងក៏មានការពេញចិត្តនូវអត្តចារិកមិត្តប្រុសរបស់នាងផងដែរ ដោយសារមិត្តប្រុសរបស់នាង គឺជាមនុស្សចិត្តល្អ និងចេះស្រឡាញ់ក្រុមគ្រួសាររបស់នាង ជាពិសេសមិត្តប្រុសរបស់នាងក៏បានគាំទ្រនាងបន្តប្រឡូកក្នុងវិស័យ សិល្បៈផងដែរ ។
យ៉ាងណាក៏ដោយ បើទោះបីជាពន្លកស្នេហ៍របស់នាង និងបុរសវ័យក្មេងជនជាតិហ្វីលីពីននេះបានអូសបន្លាយពេលអស់ជាច្រើន ឆ្នាំមកហើយក្តី ប៉ុន្តែទេព សម្ផស្ស នៅតែមិនទាន់មានគំរោងចូលរោងការនៅថ្ងៃណាមួយឡើយ ។ នាងនិយាយថា គំរោងរៀបការនាង និងមិត្តប្រុសមិនទាន់បានកំណត់នៅឡើយទេ ប៉ុន្តែពួកនាងក៏មិននៅបែបនេះរហូតដែល ខណៈពេលដែលទាំងសងខាងបានស្វែងយល់ចិត្តគ្នាយ៉ាងច្បាស់ទៅហើយនោះ ៕
