គ្រូពេទ្យបង្ហោះរូបអ្នកជំងឺលើ Facebook ឲ្យមិត្តភក្តិទាយថារស់ឬស្លាប់ ត្រូវចាប់ខ្លួន
ស្វីស(១៤ មករា ២០១៤) ៖ ស្រ្តីម្នាក់ឈ្មោះ Blaze Binder អាយុ ៣៧ឆ្នាំ ជាគិលានុបដ្ឋាយិកា ត្រូវបានចាប់ខ្លួន បន្ទាប់ពីនាងបាន ថតរូបអ្នកជំងឺ ដែលទៅព្យាបាល នៅក្នុងមន្ទីរពេទ្យ ខ្លួនធ្វើការ មកបង្ហោះលើ គេហទំព័រ Facebook ហើយឲ្យមិត្តភក្តិ របស់ខ្លួនជាង ២ពាន់នាក់ ទាយថា តើអ្នកជំងឺម្នាក់នេះ នៅរស់ ឬក៏ស្លាប់។
ជនសង្ស័យ ខាងលើមានដើមកំណើត នៅប្រទេសហ្វីលីពីន បានរៀបការជាមួយ បុរសជនជាតិស្វីស ហើយបច្ចុប្បន្នរស់នៅទីក្រុង Mogelsberg ប្រទេសស្វីស ដោយបានធ្វើការ ជាគិលានុបដ្ឋាយិកា នៅក្នុងមន្ទីរពេទ្យមួយ នៅក្នុងតំបន់។ បន្ទាប់ពីមានការចាប់ខ្លួន ជនសង្ស័យរូបនេះ ត្រូវបានតុលាការបញ្ជាឲ្យ បង់ប្រាក់សង ជំងឺចិត្ត ១.៣០០ ដុល្លារសហរដ្ឋអាម៉េរិក ដល់ជនរងគ្រោះ៕
