ហ្វូងបាតុករថៃបន្ដធ្វើបាតុកម្មប្រឆាំងលោកស្រីយីងឡាក់ ស្ហ៊ីណាវ៉ាត្រ
ហ្វូងបាតុករនៅក្នុងក្រុងបាងកក ប្រទេសថៃ កំពុងបន្ដការធ្វើបាតុកម្មរបស់ខ្លួនដោយផ្ដោតគោលដៅទៅលើបណ្ដា ក្រសួងនានារបស់រដ្ឋ តាមរយៈការចូលទៅក្នុងក្រសួងទាំងនោះ និងនៅខាងក្រៅព័ទ្ធជុំវិញក្រសួង ដើម្បីជាការតវ៉ាប្រឆាំងនឹងលោកស្រីនាយករដ្ឋមន្រ្ដី យីងឡាក់ ស្ហ៊ីណាវ៉ាត្រ។
មកទល់ពេល នេះមានការចេញដីកាចាប់ខ្លួនមេដឹកនាំបាតុករ ម្នាក់ ដែលជាប់ពាក់ព័ន្ធនឹងការចូលលុកលុយក្រសួងរបស់រដ្ឋាភិបាល។
នៅក្នុងគ្រានេះដែរ សភាថៃកំពុងតែធ្វើការពិភាក្សាតស៊ូមតិលើបញ្ហាដកសេដក្ដីទុកចិត្ដពីលោកស្រីនាយករដ្ឋមន្រ្ដីថៃ។
ក្រុម បាតុករបានសន្យាថា នឹងចូលកាន់កាប់គ្រប់គ្រងការិយាល័យនានារបស់រដ្ឋនៅទូទាំងប្រទេស ដើម្បីបង្ខំឲ្យលោកស្រីនាយករដ្ឋមន្រ្ដីចុះចេញពីអំណាច។
ពួក បាតុករទាំងនោះជឿជាក់ថា រដ្ឋាភិបាលថៃសព្វថ្ងៃកំពុងស្ថិតនៅក្រោមការគ្រប់គ្រងរបស់អតីត នាយករដ្ឋមន្រ្ដី ថាក់ស៊ីន ស្ហ៊ីណាវ៉ាត្រ ដែលជាបងប្រុសរបស់លោកស្រី។
សូមជម្រាបថា លោកថាក់ស៊ីន បានធ្លាក់ចេញពីអំណាចកាលពីឆ្នាំ ២០០៦ ដោយសាររដ្ឋប្រហារយោធា៕ (Radio Australia)
