ជនជាតិវៀតណាម២០នាក់នឹងត្រូវអូស្រ្ដាលីបញ្ជូនទៅស្រុកវិញ
ក្រុមអ្នកគាំទ្រជនស្វែងសិទ្ធិ ជ្រកកោន មួយក្រុមនិយាយថា ជនស្វែងសិទ្ធិជ្រកកោនជាតិវៀតណាមជាច្រើននាក់ដែលស្ថិតនៅក្នុង មជ្ឈមណ្ឌលឃុំឃាំងបណ្ដោះអាសន្ននៅក្នុងក្រុងដារវិនប៉ែកខាងជើង ប្រទេសអូស្រ្ដាលីនឹងត្រូវគេបញ្ជូនទៅប្រទេសកំណើតវិញនៅក្នុងរយៈ ពេល៧២ម៉ោង។
បណ្ដាញ គាំទ្រជនស្វែងសិទ្ធិជ្រកកោននៅក្រុង ដារវិនហៅកាត់ថា DASSAN និយាយថា មានជនជាតិវៀត ណាមប្រមាណ២០នាក់ស្ថិតនៅមណ្ឌលឃុំឃាំងបណ្ដោះអាសន្ន Wickham Point ។
ក្រុម DASSAN នេះនិយាយថា នៅខែសីហាកន្លងទៅប៉ូលិសវៀតណាមបានសាកសួរក្រុមអ្នកស្វែងសុំ សិទ្ធ ជ្រកកោនវៀតណាមទាំងនេះអស់ពេលច្រើនម៉ោង ហើយមានអ្នកខ្លះបានរងការចោទប្រកាន់ទាក់ទងអំពើក្បត់ជាតិ។
យ៉ាង ណាក៏ដោយលោក Rohan Thwaites អ្នកនាំពាក្យក្រុមនេះនិយាយថា ក្រសួងអន្ដោប្រវេសន៍អូស្រ្ដាលីបានប្រាប់ទៅពួកគេថា អាជ្ញាធរមិនអនុញ្ញាតឲ្យពួកគេដាក់ពាក្យសុំសិទ្ធិជ្រកកោននោះឡើយ៕ (Radio Australia)
