អគ្គិភ័យឆាប ឆេះផ្ទះ ប្រជាពលរដ្ឋនៅ ខណ្ឌឫស្សីកែវ
ភ្នំពេញ ៖ កាលពីវេលាម៉ោង១២និង៤០ នាទី ថ្ងៃទី១៣ ខែសីហា នេះ អគ្គិភ័យបានឆាបឆេះផ្ទះយ៉ាង សន្ធោសន្ធៅ នៅតាមបណ្ដោយផ្លូវជាតិលេខ៥ ជួរ មាត់ទន្លេ ស្ថិតនៅក្រុមទី៤ ភូមិឃ្លាំងសាំង សង្កាត់ ឫស្សីកែវ ខណ្ឌឫស្សីកែវ ។
សមត្ថកិច្ចពន្លត់អគ្គិភ័យ កំពុងត្រូវបាន ទៅជួយសង្គ្រោះជាបន្ដបន្ទាប់ ហើយមូលបណ្ដាលឱ្យមានអគ្គិភ័យនោះ នៅមិនទាន់ ដឹងពីមូលហេតុនៅឡើយ ។ អគ្គិភ័យបានរលត់ជាបណ្តើរៗហើយ បន្ទាប់ពីមានអន្តរាគមន៍ ពីរថយន្តពន្លត់អគ្គិភ័យ ជួយទាន់ពេលវេលា ។
ការចេញជួយអន្តរាគមន៍ មានរថយន្តពន្លត់អគ្គិភ័យ ចំនួន១០គ្រឿង និងម៉ារីនមួយគ្រឿងផងដែរ។ ហើយនៅវេលាម៉ោង ១និង២០នាទី រសៀលថ្ងៃដដែលអគ្គិភ័យបានរលត់ទាំងស្រុងហើយ ។
សមត្ថកិច្ចមូលដ្ឋានបានឲ្យដឹងថា អគ្គិភ័យនេះបានឆាបឆេះឡើងពីផ្ទះលោកសួន សុវណ្ណ អាយុ៦២ឆ្នាំ មានមុខរបរជាអ្នកចិញ្ចឹមត្រី ។សមត្ថកិច្ចបានបន្តថា ម្ចាស់ផ្ទះកើត ហេតុមិនបាននៅទេ ហើយអគ្គិភ័យនេះបានឆាបឆេះ ផ្ទះចំនួន ៦ខ្នង៕ នាង/Cambodia News
