ម៉ូតូបុកម៉ូតូ បណ្តាលឱ្យស្លាប់ម្នាក់ និងរងរបួស ៤នាក់
Cambodia News
ហេង នាង
ភ្នំពេញ ៖ កាលពីវេលាម៉ោង ៩ និង ០៥នាទី យប់ថ្ងៃទី១១ មិថុនា បុរសម្នាក់បានស្លាប់ភ្លាមៗនៅនឹងកន្លែង និងមនុស្សប្រុសស្រី ៤នាក់ បានរងរបួសធ្ងន់ ស្ថិតនៅតាមបណ្តោយផ្លូវនតប្រ៊ីត ក្នុងសង្កាត់ទឹកថ្លា ខណ្ឌសែនសុខ។
តាមប្រភពព័ត៌មានបានឱ្យដឹងថា ម៉ូតូឌ្រីម ១គ្រឿង ពាក់ស្លាកលេខ ភ្នំពេញ 1BE-7911 ជិះគ្នា ៤នាក់ ក្នុងនោះ មានស្រ្តីម្នាក់ និងក្មេងអាយុ ១ខួប បានបើកទៅបុកពីក្រោយពេញទំហឹងជាមួយម៉ូតូគុប ១គ្រឿង ពាក់ស្លាកលេខ ភ្នំពេញ 1Bv-0536 ជិះដោយបុរស ២នាក់ ស្រវឹង បើកបរស្របទិសគ្នាតាមបណ្តោយផ្លូវនតប្រ៊ី បណ្តាលឱ្យបុរសម្នាក់ស្លាប់នៅនឹងកន្លែង និងមនុស្ស ៤នាក់ ផ្សេងទៀតរងរបួស ៕
