វគ្គបណ្ដុះបណ្ដាលស្តីពីការសរសេរពត៌មាន ការបោះឆ្នោតជាតិឆ្នាំ២០១៣
Cambodia News
ហេង នាង
ភ្នំពេញ៖ នាព្រឹកថ្ងៃទី២៧ ខែឧសភានេះ នៅក្លឹបអ្នកកាសែតកម្ពុជា បានបើកវគ្គបណ្ដុះបណ្ដាល ការសរសេរពត៌មាន និងការរាយការណ៍ពីសកម្មភាពបោះឆ្នោតជាតិឆ្នាំ២០១៣ ដល់អ្នកកាសែតសារព័ត៌មានកម្ពុជា ។
វគ្គបណ្ដុះបណ្ដាលនេះ គឺចាប់ពីព្រឹកថ្ងៃទី២៧ ខែឧសភា ឆ្នាំ២០១៣ រហូតដល់ថ្ងៃទី៣១ ខែឧសភា ឆ្នាំ២០១៣ ក្រោម ការរៀបចំដោយក្លឹបអ្នកកាសែតកម្ពុជា និងមានការឧត្ថម្ភដោយមូលនិធិ ខុនរ៉ាដដេណៅអ៊ែរ ដែលមានសិក្ខាកាមចូលរួម ប្រមាណ ២៣នាក់មកពីអង្គភាពផ្សេងៗគ្នា។
ក្នុងគោលបំណងនៃវគ្គបណ្ដុះបណ្ដាលនេះ រៀបចំឡើងដើម្បី បង្កើនសម្ថតិភាពរបស់អ្នកសារព័ត៌មានអំពីការសរសេរអត្ថបទស្តីពីការបោះឆ្នោតជាតិជ្រើសរើសតំណាងរាស្ត្រនាពេលខាងមុខនេះ ប្រកបដោយភាពត្រឹមត្រូវ និងឯករាជ្យ៕