ស្រីលង្កាបដិសេធចំពោះការចោទថាទាហានខ្លួនប្រព្រិត្ដសកម្មភាពរំលោភ និងធ្វើទារុណកម្ម
លោក ឧត្ដមនាវី Thisara Samarasinghe ស្នងការជាន់ខ្ពស់នៃប្រទេសស្រីលង្កាប្រចាំនៅប្រទេសអូស្រ្ដាលីបាន បដិសេធចំពោះការអះអាងជាច្រើនដែលថា ប្រទេសស្រីលង្កានៅតែបន្ដប្រើវិធីរំលោភសេពសន្ថវៈ និងការធ្វើទារុណកម្មប្រឆាំងនឹងជនដែលគេសង្ស័យថា ជាអ្នកគាំទ្រក្រុមបះបោរខ្លាទមិឡ អស់ពេល៤ឆ្នាំក្រោយពេលដែលប្រទេសនេះលែងមានសង្រ្គាមស៊ីវិលតទៅ ទៀត។
អង្គការឃ្លាំមើលសិទ្ធិមនុស្សដែលបានលើកឡើងអំពីបញ្ហានេះ បានផ្អែកភស្ដុតាងនៅក្នុងរបាយការណ៍លើករណីចំនួន៧៥ ពាក់ព័ន្ធនឹងការចោទប្រកាន់រំលោភសេពសន្ថវៈ និងការធ្វើទារុណកម្មផ្សេងទៀតទៅលើជនជាតិខ្លាទមិឡដែលជាប់ការ ឃុំឃាំង ដោយអង្គការនេះនិយាយថា ជាអំពើរបស់កងកម្លាំងសន្ដិសុខ។ អង្គការឃ្លាំមើលសិទ្ធិមនុស្សនិយាយថា ករណីភាគច្រើនគឺមានការបញ្ជាក់ដោយភស្ដុតាងវេជ្ជសាស្រ្ដ។
តែ ទោះជាយ៉ាងណាក៏ដោយនៅក្នុងការធ្វើបទសម្ភាសន៍ជាមួយវិទ្យុ អូស្រ្ដាលី លោកឧត្ដមនាវី Samarasinghe បានបដិសេធយ៉ាងដាច់ខាតចំពោះការអះអាងបែបនេះ៕ (Radio Australia)
