រថយន្តពីរគ្រឿងបុកគ្នារងការខូចខាតទាំងសងខាង
ភ្នំពេញ ៖ កាលពីវេលាម៉ោង ១៩ និង ៣០ នាទីយប់ថ្ងៃទី ០៤ ខែមករា មានរថយន្តពីរគ្រឿងត្រូវរងការខូចខាតស្ទើរទាំងស្រុង ក្នុងខណៈដែលបុរសម្នាក់បានបើករថយន្តមួយគ្រឿងក្នុងល្បឿនលឿនជ្រុលបុកគូទរថយន្តមួយទៀត ស្ថិតនៅចំណុចផ្លូវជាតិលេខ ៦ សង្កាត់ឬស្សីកែវ ខណ្ឌឬស្សីកែវ ។
សាក្សីដែលបានឃើញហេតុការណ៍ខាងលើនេះបានឲ្យដឹងថា មុនពេលកើតហេតុគេសង្កេតឃើញរថយន្តមួយគ្រឿងម៉ាកហាយឡែនឌ័រ ពណ៌ស្ករ បើកបរដោយបុរសម្នាក់ក្នុងទិសដៅពីកើតទៅលិច យ៉ាងលឿន ខណៈបើកមកដល់ចំណុចកើតហេតុស្រាប់តែជ្រុលល្បឿនបុកគូទរថយន្ត VIGO ពីក្រោយពេញទំហឹងតែម្តង ដែលបណ្ដាលឲ្យរថយន្តទាំងពីរ គ្រឿង ត្រូវរងការខូចខាត មួយផ្នែកម្នាក់ ។
បន្ទាប់ពីកើតហេតុម្ចាស់រថយន្តហាយឡែនឌ័របានសងសំណងទៅម្ចាស់ រថយន្ត VIGO ចំនួន ៣០០ ដុល្លារ ជាការបញ្ចប់រឿង៕
