អង្គការសហប្រជាជាតិស្នើឲ្យយោធាភូមាបញ្ឈប់ការវាយប្រហារលើកងបះបោរកាជីន
ប្រធានអង្គការសហប្រជាជាតិបានស្នើសុំឲ្យ យោធាភូមាបញ្ឈប់ការវាយប្រហារតាមអាកាសលើកងបះបោរក្រុមកុលសម្ពន្ធ កាជីននៅភាគខាងជើងនៃប្រទេស។
យោធានិយាយថា ខ្លួនបានវាយប្រហារតាមអាកាសដើម្បីដណ្ដើមយកមកវិញនូវមូល ដ្ឋានទាំងឡាយ របស់ខ្លួន ក្រោយពីមានការវាយប្រហារយ៉ាងខ្លាំងក្លាទៅលើអង្គការឯករាជ្យកាជីន។
នៅក្នុង សេចក្តីថ្លែងការមួយ លោកបាន គីមូន ប្រធានអង្គការសហប្រជាជាតិបានសុំឲ្យអាជ្ញាធរភូមាបញ្ឈប់សកម្មភាពទាំងឡាយដែលអាចនាំឲ្យមហន្តរាយ ដល់អាយុជីវិតរបស់ជនស៊ីវិលនៅក្នុងតំបន់។
ទំនាស់បានមានការកើនឡើងរវាងកងយោធាភូមានិងកងបះបោរកាជីន ដែលធ្វើឲ្យមាន ការមិនទុកចិត្តកាន់តែខ្លាំងអំពីការធ្វើកំណែទម្រង់ នាពេលថ្មីៗរបស់រដ្ឋាភិបាលភូមា ៕ (Radio Australia)
