រដ្ឋាភិបាលឥណ្ឌាចង់បំបាត់អំពើពុករលួយ
រដ្ឋាភិបាលឥណ្ឌាបានធ្វើកម្មវិធីមួយដោយ បង់ប្រាក់រាប់ពាន់លាន ដុល្លារពីប្រាក់សង្គមកិច្ចឲ្យទៅពលរដ្ឋក្រីក្រដោយផ្ទាល់ ដែលជាការប៉ុនប៉ងមួយក្នុងការលប់បំបាត់អំពើពុករលួយនៅក្នុង ប្រទេស។
នៅក្នុងកម្មវិធីនេះ ប្រាក់សុខុមាលភាពពលរដ្ឋនឹងត្រូវផ្ទេរបញ្ចូលទៅក្នុងគណ នីធនាគារ របស់អ្នកទទួលដោយផ្ទាល់ ដើម្បីចៀសវាងពីការលួចកេងប្រវ័ញ្ចពីមន្រ្ដីពុករលួយ។
ប៉ុន្ដែ អ្នករិះគន់និយាយថា កម្មវិធីនេះអាចពិបាកនឹងអនុវត្ដដោយហេតុថា ពលរដ្ឋក្រីក្រជាច្រើននៅក្នុងប្រទេសឥណ្ឌាគ្មានគណនីនៅក្នុង ធនាគារនោះទេ៕ (Radio Australia)