ស្រវឹងស្រា ជិះម៉ូតូទៅបុកក្បាលព្រួញពុះចែកផ្លូវ រងរបួសធ្ងន់ ២នាក់
ភ្នំពេញ ៖ កាលពីវេលាម៉ោង២ និង៣០នាទីរំលងអធ្រាត្រឈានចូលថ្ងៃទី២ ខែមករា បុរស២នាក់ ស្រវឹងស្រាបានជិះម៉ូតូទៅបុកក្បាលព្រួញថ្មពុះចែកផ្លូវ បណ្តាលឲ្យផ្លោងទៅបោកនឹងសញ្ញាព្រួញបង្ហាញផ្លូវរងរបួសធ្ងន់ទាំង២ នាក់ ស្ថិតនៅចំណុចគល់ស្ពានស្ទឹងមានជ័យ ខាងកើត តាមមហាវិថីព្រះមុនីរ៉េត ក្នុងសង្កាត់បឹងសាឡាង ខណ្ឌទួលគោក ។
ប្រភពព័ត៌មានបានឲ្យដឹងថា បុរស ២នាក់ស្រវឹងស្រាហើយជិះម៉ូតូវ៉េវអាល់ហ្វា ពណ៌ខ្មៅ មួយគ្រឿងតាមមហាវិថីព្រះមុនីរ៉េត ពីកើតទៅលិច ខណៈមកដល់ចំណុចខាងលើស្រាប់ តែជិះទៅ បុកក្បាលព្រួញថ្មពុះចែកផ្លូវ ធ្វើឲ្យបែកអស់បន្តិច រីឯអ្នកជិះម៉ូតូផ្លោងទៅបោកនឹង សញ្ញាព្រួញ បង្ហាញផ្លូវវេចស្លាកសញ្ញា និងបែកអំពូលភ្លើងប្រើពន្លឺព្រះអាទិត្យនៅលើទ្រូងពុះ ចែកផ្លូវនោះ បណ្តាលឲ្យរងរបួសធ្ងន់ទាំង២នាក់ ។
ក្រោយពេលកើតហេតុ ជនរងគ្រោះរបួសធ្ងន់ទាំង២នាក់ ត្រូវបានបញ្ជូនទៅព្យាបាលនៅមន្ទី រពេទ្យ មិត្តភាពខ្មែរសូវៀត ចំណែកម៉ូតូត្រូវសមត្ថកិច្ចយកទៅរក្សាទុកនៅខណ្ឌទួលគោក ៕
ដោយ៖ ហេង នាង