ជនសង្ស័យ ៤នាក់ត្រូវសម្ថកិច្ចឃាត់ខ្លួន
ភ្នំពេញ ៖ កាលពីវេលាម៉ោង៣ និង៣០នាទី ទៀបភ្លឺថ្ងៃទី២ ខែមករា លោកម៉ក់ ហុង អធិការខណ្ឌសែនសុខ បានដឹកនាំកម្លាំងចុះបង្រ្កាបទីតាំងជួញដូរ និងប្រើប្រាស់គ្រឿងញៀន ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
លោកអធិការខណ្ឌសែនសុខបានឲ្យដឹងថា ប្រតិបត្តិការនេះ ឃាត់ខ្លួនជនសង្ស័យ ជួញដូរ និងប្រើប្រាស់គ្រឿងញៀន ៤នាក់ ក្នុងនោះស្រី៣នាក់ ប្រុសម្នាក់ រួមមានឈ្មោះ ១ ស្រីមុំ អាយុ១៤ឆ្នាំ, ២ ទូច ម៉ី អាយុ២៣ឆ្នាំ មុខកម្មការិនីកាត់ដេរ, ៣ សេង ចាន់ធួន អាយុ១៧ឆ្នាំ មុខរបរកម្មការិនីកាត់ដេរ និង៤ ញឹក ប៊ុនធឿន ភេទប្រុស អាយុ២១ឆ្នាំ មុខរបរនិងស្នាក់នៅមិនពិតប្រាកដ ។ ក្នុងនោះដកហូតបានថ្នាំញៀន៥កញ្ចប់ កញ្ចប់ធំ២ កញ្ចប់តូច៣ និងឧករណ៍ជក់មួយចំនួន ។
ជនសង្ស័យទាំង៤នាក់ និងវត្ថុតាងរឹងអូស ត្រូវបានបញ្ជូនទៅរក្សាទុកនៅអធិការដ្ឋានខណ្ឌសែន សុខដើម្បីកសាងសំណុំរឿងបញ្ជូនទៅតុលាការ ៕
ដោយ៖ ហេង នាង
