បុរសម្នាក់ស្រវឹងស្រាជិះម៉ូតូដួលសន្លប់
ភ្នំពេញ ៖ កាលពីវេលាម៉ោង ១៩ និង ៤០នាទីយប់ ថ្ងៃទី ០១ មករា បុរសម្នាក់ជិះម៉ូតូលឿន ហើយរេចង្កូតដួលសន្លប់នៅតាមបណ្ដោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន។
សាក្សីដែលបានឃើញហេតុការណ៍ខាងលើនេះបានឲ្យដឹងថា មុនពេលកើតហេតុគេសង្កេតឃើញបុរសម្នាក់ វ័យ ជាង ២០ឆ្នាំ បានជិះម៉ូតូមួយគ្រឿងម៉ាកសេ ១២៥ ស៊េរី ២០១១ ពណ៌ខ្មៅ ក្នុងល្បឿនយ៉ាងលឿនតាមបណ្ដោយមហាវិថីព្រះនរោត្តម លុះជិះមកដល់ចំណុចការ៉ាសសាំង កាល់តិច មួយកន្លែងស្រាប់តែរូបគេរេចង្កូតដួល បណ្ដាលឲ្យសន្លប់ស្តុកស្ដឹង។
បន្ទាប់ពីកើតហេតុសមត្ថកិច្ចមូលដ្ឋានបានចុះមកអន្តរាគមន៍ដល់ កន្លែងកើតហេតុ ដោយបានទំនាក់ទំនងទៅក្រុមគ្រួសារបុរសម្នាក់នេះឲ្យមកទទួលយកទៅ សង្គ្រោះនៅមន្ទីរពេទ្យ និងមកទទួលយកម៉ូតូដែលបុរសរងគ្រោះជិះដួលក្នុងហេតុការណ៍ខាងលើនេះ៕
ដោយ៖ ហេង នាង
