អំពើហិង្សាក្នុងគ្រួសារ ប្រពន្ធចាក់សាំងដុតប្ដី
ភ្នំពេញ ៖ កាលពី វេលាម៉ោង ៤និង១០នាទី រសៀលថ្ងៃទី២៧ ខែធ្នូ នេះ មានករណីប្រពន្ធ បានយកសាំងចាក់ទៅលើប្ដីហើយដុត ស្ថិតនៅក្នុងភូមិធំខាងត្បូង សង្កាត់ពញាពុន ខណ្ឌ សែនសុខ។
សេចក្ដីរាយការណ៍ពីកន្លែងកើតហេតុ បានឱ្យដឹងថា ក្រោយយកសាំងចាក់ហើយដុតទៅលើ ប្ដី របស់ខ្លួនរួចមក ជនបង្កជា ប្រពន្ធបានរត់គេចខ្លួន ប៉ុន្ដែសមត្ថកិច្ច មូលដ្ឋាន បាននិងកំពុង តាមចាប់ខ្លួន។ យ៉ាងណាក៏ ដោយ មិនទាន់មានព័ត៌មាន បញ្ជាក់ពីមូលហេតុពិតប្រាកដ ដែល នាំឱ្យកើតមានអំពើហិង្សា រវាងប្ដីប្រពន្ធទាំងពីរ នាក់នេះនៅឡើយទេ។
ចំពោះករណីអំពើហឹង្សាខាងលើនេះគេនៅមិនទាន់ដឹងថា ជនរងគ្រោះជាប្ដីស្លាប់ ឬរស់នៅ ឡើយទេ ខណៈសាច់ញាតិនិងអាជ្ញាធរ មានសមត្ថកិច្ច កំពុងជួយអន្ដរាគមន៍៕
ដោយ៖ ហេង នាង