បុរសម្នាក់ប្រកាច់ស្លាប់នៅមុខក្លឹបកំសាន្តទីក្រុងមាស
ភ្នំពេញ៖ កាលពី វេលាម៉ោង ៨៖៤០នាទីយប់ថ្ងៃទី២៦ ខែធ្នូ បុរសម្នាក់បានប្រកាច់ស្លាប់ មួយ រំពេច នៅមុខក្លឹបកំសាន្ត ទីក្រុងមាស ស្ថិតនៅតាម បណ្តោយផ្លូវ ព្រះមុនីវង្ស ក្នុងខណ្ឌចំការ មន ក្រោយពេលដែល ជនរងគ្រោះ បានចុះពីលើម៉ូតូឌុប ។
សេចក្តីរាយការណ៍ ពីកន្លែងកើតហេតុ បានឲ្យដឹងថា មុនពេលកើតហេតុ ជនរងគ្រោះ មានឈ្មោះ សុខ រ៉ាវុធ អាយុជាង៤០ឆ្នាំ បានជិះម៉ូតូឌុប ហើយមកឈប់នៅ មុខក្លឹបកំសាន្ត ទីក្រុងមាស លុះមួយសន្ទុះក្រោយមក ស្រាប់តែ ជនរងគ្រោះ ប្រកាច់ស្លាប់តែម្តង ដោយមិនទាន់ ដឹងមូលហេតុ។
ក្រោយកើតហេតុ សមត្ថកិច្ច បានដឹកសពជនរងគ្រោះ ទៅតម្កល់ទុកនៅវត្តទួលទំពូង ដើម្បីធ្វើ កោសល្យវិនិច្ឆ័យបន្តទៀត៕
ដោយ៖ ហេង នាង
