មនុស្ស ៤២នាក់បានស្លាប់ដោយសារទឹកជំនន់នៅស្រីលង្កា
មានសេចក្តីរាយការណ៍ថាយ៉ាងហោចណាស់ មានមនុស្ស ៤២នាក់ បានស្លាប់ និង ៩នាក់ទៀតបានបាត់ខ្លួនដោយសារភ្លៀងធ្លាក់ខ្លាំងនៅក្នុងប្រទេស ស្រីលង្កាកាលពីចុងសបា្តហ៍កន្លងមកនេះ។
មជ្ឈមណ្ឌលគ្រប់គ្រងគ្រោះមហន្តរាយជាតិនិយាយថាទឹកជំនន់នៅភាគកណ្តាល, កណ្តាលខាងជើងនិងភាគខាងកើតប្រទេសបានជម្លៀសប្រជាជនរាប់ពាន់នាក់ហើយ ប្រ ជាជនជាង ១ម៉ឺន៧ពាន់នាក់បានទៅជ្រកកោនក្នុងជំរុំជួយសង្រ្គោះចំនួន ១០០ជំរុំ។
ប្រហែលជាពាក់កណ្តាលនៃទំនប់ចម្បងៗសរុបចំនួន៧១ទំនប់ បានហៀរទឹកចេញហើយ ទ្វារទឹកត្រូវបានគេបើក ដែលធ្វើឲ្យស្ថានភាពទឹកជំនន់កាន់តែមានសភាពយ៉ាប់យ៉ឺន។
ប្រទេសស្រីលង្កាបានលេចជន់ដោយសារភ្លៀងធ្លាក់ខ្លាំងអស់រយៈពេលជាងមួយ សបា្តហ៍៕ (Radio Australia)
