សន្តិសុខក្រុមហ៊ុនធីធីវ៉ាយ ២នាក់ត្រូវបានចាប់ខ្លួន
កាលពីថ្ងៃសៅរ៍ ទី៤ កុម្ភៈ លោក គាត ចាន់ថារិទ្ធ មន្ត្រីនាំពាក្យអគ្គស្នងការនគរបាលជាតិបាននិយាយថា ក្រុមហ៊ុនធីធីវ៉ាយ បានប្រគល់ខ្លួនជនសង្ស័យ ២នាក់ជាក្រុមសន្តិសុខការពារក្រុមហ៊ុន ដែលបានបាញ់ប្រជាពលរដ្ឋ ៤នាក់ឲ្យរងរបួសធ្ងន់ក្នុងជម្លោះតវ៉ាដីធ្លីនៅខេត្តក្រចេះ ឲ្យមកក្រសួងមហាផ្ទៃ ដើម្បីនាំខ្លួនទៅកាត់ទោស។
ការប្រគល់ខ្លួនជនសង្ស័យ បានធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន បានព្រមានចាប់ខ្លួនលោក ណា ម៉ារ៉ាឌី ដែលជាម្ចាស់ក្រុមហ៊ុន និងជាទីប្រឹក្សាផ្ទាល់បរស់លោក ប្រសិនបើក្រុមហ៊ុននៅតែបន្តការពារជនសង្ស័យ៕