បុរសចំណាស់ម្នាក់ឲ្យតែផឹកស្រវឹងកើតរោគប្រចណ្ឌវាយខាំប្រពន្ធ
បុរសចំណាស់ម្នាក់ឲ្យតែផឹកស្រវឹងតែងកើតរោគប្រចណ្ឌផ្តេសផ្តាស នៅពេលឃើញប្រពន្ធនិយាយជាមួយបុរសអ្នកជិតខាងក៏ផ្ទុះហិង្សាភ្លាម ដោយប្រើកំណាត់ឬស្សីវាយប្រពន្ធ ព្រមទាំងចាប់ខាំធ្វើឲ្យរបួសស្ទើរសុសសាច់។
ដោយទ្រាំនឹងទង្វើររបស់ប្តីដែលប្រើអំពើហិង្សាបែបនេះជាញឹកញាប់ពេកស្ត្រីជាប្រពន្ធក៏សម្រេចចិត្តប្តឹងប៉ូលិសឲ្យធ្វើការឃាត់ខ្លួនទៅតាមនីតិវិធីច្បាប់ចុះ ព្រោះធ្វើបាកគាត់ច្រើនលើកច្រើនសាណាស់ទ្រាំលែងបានទៀតហើយ។
លោក នៅ ប៊ុនណា នាយផ្នែកព្រហ្មទណ្ឌប៉ូលិសស្រុកស្អាងបានឲ្យដឹងថា បុរសជាប្តីដែលត្រូវខ្លួននោះមានឈ្មោះ ស្រ៊ី សុខា អាយុ ៤៥ឆ្នាំ ចំណែកស្ត្រីដែលរងគ្រោះជាប្រពន្ធមានឈ្មោះ ចាន់ ថា អាយុ ៤៤ឆ្នាំរស់នៅភូមិព្រែកស្លែង ឃុំតាលន់ ស្រុកស្អាង។
នៅថ្ងៃ៣១ មករា ២០១២ បុរសជាប្តីឈ្មោះ ស្រ៊ី សុខា ត្រូវបានបញ្ជូនទៅកាន់សាលាដំបូងខេត្ត ដើម្បីវិនិច្ឆ័យទៅលើទោសកំហុសរបស់ខ្លួន៕