រថយន្តឡិចស៊ីស៤៧០បើកបុករះកន្លែងផ្ញើម៉ូតូតាមចិញ្ចើមផ្លូវខូចខាតម៉ូតូ ១២គ្រឿងបណ្តាលឲ្យមនុស្ស៥នាក់រងរបួសធ្ងន់
ភ្នំពេញ ៖ នៅចំណុចមុខក្រុមហ៊ុន RO BIZ លក់ គ្រឿងអេឡិចត្រូនិក តាមមហាវិថីព្រះមុនីវង្ស កែង១០៩ ក្នុងសង្កាត់អូរឬស្សីទី៤ ខណ្ឌ៧មករា នៅវេលាម៉ោង ១២ និង១០នាទី រំលងអធ្រាត្រឈានចូលថ្ងៃទី៣០ វិច្ឆិការ ថយន្តឡិចស៊ីស៤៧០ ពណ៌ខ្មៅ បើកបុករះម៉ូតូ ១២គ្រឿង រ៉ឺម៉កម៉ូតូមួយគ្រឿង ខូចខាតរបស់របរមួយចំនួន និងរងរបួសធ្ងន់ ៣នាក់ ស្រី២នាក់ ប្រុសម្នាក់ ។
បន្ទាប់ពីបុករះហើយ រថយន្តបង្កបានបើកថយក្រោយទៅបុកឡើងលើរនាំងដែកពុះចែកផ្លូវ ដែលទុកសម្រាប់អ្នកដើរឆ្លងផ្លូវនោះ ឆ្ពោះទៅផ្លូវលេខ១០៩ រួចបត់ឆ្វេងទៅតាមផ្លូវលេខ៨១ បានទៅបុកជញ្ជាំងផ្ទះប្រជាពលរដ្ឋដែលមានទីតាំងនៅទល់ មុខសាលាបឋមសិក្សាវត្តកោះ ក្នុងសង្កាត់ផ្សារថ្មីទី៣ ខណ្ឌដូនពេញ ទើបតៃកុងរថយន្តទុករថយន្តចោល ហើយគេចខ្លួនបាត់ ។
ក្រោយពេលកើតហេតុ រថយន្ត និងម៉ូតូ ព្រមទាំងរ៉ឺម៉កម៉ូតូ ដែលខូចខាតទាំងអស់ត្រូវសមត្ថកិច្ចយកទៅរក្សាទុកនៅការិយាល័យនគរបាល ចរាចរណ៍ផ្លូវគោក រង់ចាំធ្វើការដោះស្រាយតាមនីតិវិធី ៕
ដោយ៖ ហេង នាង
៤៧០ (រូប dap)
