អាជ្ញាធរខណ្ឌសែនសុខចុះត្រួតពិនិត្យនៅតាមផ្ទះជួលនៅមុនពេលកិច្ចប្រជុំកំពូលអាស៊ាន
ភ្នំពេញ៖ កាលពីរសៀលថ្ងៃទី១៤ ខែវិច្ចិកា ឆ្នាំ២០១២នេះ អាជ្ញាធរខណ្ឌសែនសុខបានចុះត្រួតពិនិត្យនៅតាមផ្ទះជួលនៅមុនពេលកិច្ចប្រជុំកំពូល អាស៊ានមកដល់ យ៉ាងហោចណាស់មានផ្ទះជួល រាប់រយបន្ទប់ ដែលមានទីតាំង ពីខាងក្រោយស្ថានីយ៍ ប្រេងតូតាល់ ស្ថិតក្នុង ភូមិទី១២ក្រុម ទី៥ សង្កាត់ទឹកថ្លា ខណ្ឌសែនសុខ ត្រូវបានអាជ្ញាធរ ចុះធ្វើរដ្ឋបាល ត្រួតពិនិត្យយ៉ាងយកចិត្តទុក្ខដាក់បំផុត។
វិធានការរឹត បណ្តឹងសន្ដិសុខ សណ្ដាប់ធ្នាប់ សាធារណៈ មិនត្រឹមតែធ្វើ ឡើងតាមរយៈ ការត្រួតពិនិត្យ អាវុធជាតិផ្ទុះនោះទេ បន្ថែមលើសពីនេះ អាជ្ញាធរ ខណ្ឌសែនសុខ ក៏បានចុះ ត្រួតពនិត្យ នៅតាមបណា្ដ ផ្ទះជួលស្នាក់នៅ ផងដែរ ទាំងនេះ គឺជាការប្រុង ប្រយ័តុ្នខ្ពស់ នៅពេលដែល កិច្ចប្រជុំកំពូល អាស៊ាន កាន់តែខិតជិត មកដល់។
អភិបាលរង ខណ្ឌសែនសុខ លោក ជា ខេម៉ា និងជាប្រធានគណៈ បញ្ជាការឯកភាពខណ្ឌ ដែលបានដឹកនាំ សមត្ថកិច្ច នគរបាល និងអាវុធហត្ថ ប្រមាណ២០នាក់ ចុះធ្វើវិធាន រដ្ឋបាលនេះ បានប្រាប់ ភ្នាក់ងារ មជ្ឈមណ្ឌល ព័ត៌មាន ដើមអម្ពិលថា តាមការសាកសួរ ដោយផ្ទាល់ចំពោះ អ្នកជួលស្នាក់នៅ រាប់សិបបន្ទប់ សង្កេតឃើញថា ម្ចាស់ផ្ទះសុទ្ធតែបាន សហការ ជាមួយ អាជ្ញាធរ ជាពិសេស ប៉ុស្ដិ៍រដ្ឋបាល អំពីអត្ដសញ្ញាណ ដែលពួកគាត់ មកជួលស្នាក់នៅ ហើយការ គ្រប់គ្រងជាក់លាក់ បែបនេះ បង្កលក្ខណៈ ឲ្យសមត្ថកិច្ច ងាយស្រួលគ្រប់គ្រង ។
លោកបានបន្តទៀតថាទោះជាយ៉ាងណា ក៏ដោយ ក៏ទទួចផងដែរ ដល់បងប្អូន អ្នកជួល ផ្ទះស្នាក់នៅ និងម្ចាស់ផ្ទះ ត្រូវសហការ ឲ្យបានល្អ ជាមួយសមត្ថកិច្ច រាប់តាំង ពីប្រធានក្រុម ប្រធានភូមិ និងនគរបាលប៉ុស្ដិ៍ជាដើម ក្នុងការផ្ដល់ ដំណឹងផ្សេងៗ ប្រសិន មានបទល្មើស កើតឡើង។
ចំពោះវិធានការ នេះក៏បានឆ្លើយ តបទៅនឹងវិធានការ ភូមិ-ឃុំ សង្កាត់ មានសុវត្ថិភាព ពោលក្នុងមូលដ្ឋានគ្មាន អំពើរល្បែងស៊ីសង គ្មានការជួញដូរ និងប្រើប្រាស់គ្រឿង ញៀន គានក្រុមបងធំ បងតូច គ្មានការជួយ ដូរមនុស្ស ស្ដ្រីនិងកុមារ និងគ្មាន អំពើរចោរកម្ម លួច ឆក់ប្លន់ជាដើម៕
ដោយ៖ ភារុណ
