កុមារាម្នាក់ស្លាប់ ដោយសារជំងឺផ្តាសាយបក្សី
កុមារាអាយុជាង ២ ឆ្នាំ ម្នាក់មកពីខេត្តបន្ទាយមានជ័យ ស្រុកព្រះនេត្រព្រះ បានធ្លាក់ខ្លួនឈឺ គ្រុនក្តៅ ក្អក ហូរសំបោរ និងក្អួត កាលពីថ្ងៃទី៣ មករា ២០១២។ ដែលអាការៈជំងឺនោះ ជាជំងឺផ្តាសាយបក្សី និងបានចូលសម្រាកព្យាបាលនៅមន្ទីរពេទ្យកុមារអង្គរ ខេត្តសៀមរាប កាលពីថ្ងៃទី៩ មករា ២០១២។
កុមារារងគ្រោះឈ្មោះ ហ៊ាន គីមហ៊ាង ពេលនេះបានស្លាប់កាលពី វេលាម៉ោង ២ យប់ ឈានចូលថ្ងៃទី១៨ មករា ២០១២ ដោយសាររលាកសួតទាំងសង្ខាង ហើយកត្តាសំខាន់ គឺបណ្តាលមកពីភាពកាចសាហាវនៃមេរោគផ្តាសាយបក្សី។
ចំពោះករណីឆ្លងនេះ លោក វេជ្ជបណ្ឌិត សុខ ទូច ដែលជាប្រធាននាយកដ្ឋានប្រយុទ្ធនឹងជំងឺឆ្លងរបស់ក្រសួងសុខាភិបាល បាននឹងកំពុងបន្តតាមដានករណីប៉ះពាល់នេះហើយ នៅកន្លែងដែលកុមារានោះរស់នៅ។ តែចំនួនអ្នកដែលបានផ្តល់វត្ថុវិភាគមក យើងមិនទាន់រកឃើញថា នរណាមួយ មានសញ្ញាវិជ្ជាមាន ដែលឆ្លងមេរោគនោះទេ៕