អ្នកស្វែងសុំសិទ្ធិជ្រកកោនដែលជាប់នៅក្នុងមន្ទីរឃុំឃាំងអាចធ្វើកូដកម្មអត់អាហារ
ក្រុមតស៊ូមតិឲ្យជនភៀសខ្លួន ហៅថា Refugee Action Coalition និយាយថា ខ្លួនគិតថា អ្នកស្វែងសុំសិទ្ធិជ្រកកោនថែមទៀត នឹងចាប់យកវិធានការមាំទាំ ថែមទៀត ដើម្បីតវ៉ានៅក្នុងមជ្ឈមណ្ឌលឃុំឃាំងនៅលើកោះណូរូ។
ក្រសួងអន្តោប្រវេសន៍អូស្ត្រាលីនិយាយថា បុរសនោះមានសិទ្ធិទទួលជំនួយពី អ្នកមានវិជ្ជាជីវៈផ្នែកសុខភាព ចំណីអាហារ និងទឹកគ្រប់ពេលទាំងអស់។
លោក Ian Rinthoul មកពីក្រុមតស៊ូមតិឲ្យជនភៀសខ្លួននិយាយប្រាប់ Radio Australia ថា លោកជឿជាក់ថា នឹងមានការធ្វើបាតុកម្មជាក់ជាមិនខានឡើយ។
លោក Ian Rinthoul ថ្លែងថា នៅពេលដែលមនុស្សផងទាំងពួងអស់សង្ឃឹម ហើយគ្មានសញ្ញាអ្វីបង្ហាញថា នឹងមានជំនួយពីរដ្ឋាភិបាលអូស្ត្រាលីនោះ ពួកគេនឹងងាកទៅអង្វរសុំឲ្យមានការពិនិត្យពិច័យ របស់អន្ដរជាតិឬបណ្តាញ ព័ត៌មាន ចំពោះអ្វីដែលកំពុងតែកើតមានឡើង នៅលើកោះណូរូ ហើយពួកគេនឹងចាប់ យកវិធានការទ័លច្រក បើសិនជាពួកគេគ្មានជម្រើសផ្សេងទៀត។ លោកថាកន្លង មកនេះ មានការធ្វើបាតុកម្មធំៗ៣រួចមកហើយ នៅលើកោះណូរូ ហើយលោកគិតថា នឹងមានការធ្វើបាតុកម្មថែមទៀត៕ (Radio Australia)