រឿងរ៉ាវបម្លាស់ទីរបស់ភូមិនៅប្រភពទន្លេយ៉ង់សេ
Cambodia News/
ទីនេះគឺជាភូមិ Changjiangyuan (មានន័យថាប្រភពទន្លេយ៉ងសេ) ក្នុងទីក្រុង Germu មណ្ឌលស្វយ័តជនជាតិម៉ុងហ្គោលី និង Xizang Haixi ខេត្ត Qinghai ។
មុនពេលផ្លាស់ទីលំនៅមកទីនេះ អ្នកភូមិ Changjiangyuan បានរស់នៅក្នុង ភ្នំ Tanggula ដែលមានរយៈកម្ពស់ជាមធ្យមជាង ៤៥០០ម៉ែត្រជាច្រើនជំនាន់ មក និងមានជីវិតគង្វាលសត្វចល័តដែលស្ទើរតែរស់នៅដាច់ដោយឡែកពីពិភពខាង ក្រៅនៅក្នុងតំបន់ប្រភពនៃទន្លេយ៉ងសេ។
ស្របនឹងចំនួនគោនិងចៀមកើនឡើង វាលស្មៅបានរងសម្ពាធយ៉ាងធ្ងន់។ ពីមុនវាលស្មៅមួយដែលធ្លាប់ចិញ្ចឹមសត្វគោបីបួនរយក្បាល មិនអាចចិញ្ចឹមសូម្បីតែមួយរយក្បាល។ អ្វីដែលគួរឱ្យព្រួយបារម្ភជាងនេះទៅទៀត គឺការសឹករិចរិលនៃវាលស្មៅបានបណ្ដាលឱ្យប៉ះពាល់ដល់បរិស្ថានអេកូឡូស៊ីនៃតំបន់ប្រភពទន្លេយ៉ាងសេ វាលស្មៅក្លាយទៅជាវាលខ្សាច់ រន្ធសត្វកណ្ដុរមានគ្រប់ទីកន្លែង ហើយកើតមានគ្រោះធម្មជាតិជាញឹកញាប់។
ក្នុងឆ្នាំ ២០២៤ ដើម្បីឆ្លើយតបទៅនឹងគោលនយោបាយជាតិស្តីពី “ការឈប់ ប្រើប្រាស់ដីយកមកចិញ្ចឹមសត្វ និងដាំស្មៅឡើងវិញ” គ្រួសារចំនួន ១២៨ និង អ្នកគង្វាល ៤០៧ នាក់មកពីភូមិចំនួន ៦ នៅភ្នំ Tanggula បានផ្លាស់ទីលំនៅដោយ ស្ម័គ្រចិត្ត។
បន្ទាប់ពីឃ្លាតពីទន្លេ Tuotuo ឆ្លងកាត់ភ្នំ Kunlun និងធ្វើដំណើរជាង ៤០០ គីឡូម៉ែត្រ អ្នកគង្វាលបានផ្លាស់ទៅភូមិថ្មីដែលទើបនឹងបង្កើតឡើងនៅជាយ ក្រុងGermu គឺភូមិ Changjiangyuan ។ ឈ្មោះទីលំនៅថ្មីក៏ផ្សារភ្ជាប់ជាមួយនឹងឫសគល់នៃស្រុកកំណើតផងដែរ។
ចាប់តាំងពីសមាជបក្សកុម្មុយនីស្តចិនលើកទី ១៨ មក ប្រធានរដ្ឋចិនលោក Xi Jinping បានអញ្ជើញចុះត្រួតពិនិត្យការងារនៅខេត្ត Qinghai ចំនួនបីដង ហើយ តែងតែយកចិត្តទុកដាក់យ៉ាងខ្លាំងចំពោះការអភិរក្សតំបន់ប្រភពទន្លេទាំងបី និង “ប៉មទឹករបស់ប្រទេសចិន”។
ក្នុងឆ្នាំ ២០១៦ នៅពេលដែលលោក Xi Jinping ចុះត្រួតពិនិត្យការងារនៅភូមិ Changjiangyuan លោកបានលើក ឡើងថា “ការអភិរក្សប្រភពទន្លេទាំងបី គឺជាគោលនយោបាយសំខាន់ដែលកំណត់ដោយគណៈកម្មាធិការមជ្ឈិមបក្ស ហើយការផ្លាស់ប្តូរទីលំនៅអេកូឡូស៊ី គឺជាវិធានការ សំខាន់សម្រាប់អនុវត្តគោលនយោបាយមួយនេះ ហេតុនេះត្រូវតែរៀបចំនិងអនុវត្ត ឱ្យបានល្អ” ។
សព្វថ្ងៃ អ្នកភូមិ Changjiangyuan ទម្លាប់ហៅអតីតផ្ទះរបស់ពួកគេនៅលើភ្នំ Tanggula តាមមាត់ទន្លេ Tuotuo ថា”ស្រុកកំណើត” និង “លើភ្នំ” ។ វាមិនត្រឹមតែជាកន្លែងដែលនឹកស្រណោះទីកំណើតប៉ុណ្ណោះទេ ក៏ជាកន្លែងនៃក្តីសង្ឃឹមសម្រាប់ការស្តារអេកូឡូស៊ីនៃប្រភពទន្លេយ៉ងសេឡើងវិញផងដែរ។
បន្ទាប់ពីការបង្កើតតំបន់អភិរក្សធម្មជាតិប្រភពទន្លេទាំងបី និងឧទ្យានជាតិ Sanjiangyuan គ្រួសារនីមួយៗនៃភូមិ Changjiangyuan បានដាក់ចេញអ្នកអភិរក្សអេកូឡូស៊ីម្នាក់ ដើម្បីបន្តការពារវាលស្មៅដែលហាមឃាត់មិនឱ្យគោនិងចៀមស៊ីស្មៅចំនួន ៣៣.៤ ម៉ឺនហិកតានៅក្នុង “ស្រុកកំណើត” ។
លោក Naobu Cairen គឺជាអនុរក្សអេកូបរិស្ថានមួយរូប។ គាត់ចំណាយ ពេលមួយសប្តាហ៍ជារៀងរាល់ខែ ដើម្បីត្រឡប់ទៅភ្នំ Tanggula ដើម្បីដើរល្បាតតាម វាលស្មៅ។ គាត់ថា បន្ទាប់ពីការអភិរក្សយ៉ាងប្រុងប្រយ័ត្នជាច្រើនឆ្នាំមក ទឹកនៅទី នេះកាន់តែថ្លា ស្មៅកាន់តែខ្ពស់ ហើយវាជារឿងធម្មតាទេដែលជួបប្រទះ សត្វព្រៃ ក្នុងពេលដើរល្បាត។
គាត់បន្តទៀតថា អ្នកគង្វាលបានក្លាយជាកម្លាំងដ៏សំខាន់ក្នុង ការអភិរក្សប្រភពទន្លេយ៉ាងសេនេះ មិនត្រឹមតែអនុញ្ញាតឱ្យអាចរកស៊ីផ្នែកអេកូ ឡូស៊ីប៉ុណ្ណោះទេ ក៏ថែមទាំងធ្វើឱ្យយើងមានអារម្មណ៍ថា ជម្រើសដើមរបស់យើង ក្នុងការផ្លាស់ទីពីវាលស្មៅគឺមានតម្លៃ៕
