លោក Xi Jinping ប្រធានរដ្ឋចិនជួបសន្ទនាជាមួយលោក Gustavo Petro ប្រធានាធិបតីកូឡុំប៊ី

Cambodia News/

      ព្រឹកថ្ងៃទី១៤ ខែឧសភា នៅសាលប្រជុំនៃវិមានសភាប្រជាជនទីក្រុងប៉េកាំង    លោក Xi Jinping ប្រធានរដ្ឋចិនបានជួបសន្ទនាជាមួយលោក Gustavo Petro ប្រធានាធិបតីកូឡុំប៊ី ដែលអញ្ជើញចូលរួមកិច្ចប្រជុំថ្នាក់រដ្ឋមន្ត្រីលើកទី៤ នៃវេទិកាចិន-សហគមន៍ប្រទេសអាមេរិកឡាទីននិងការាបៀននៅប្រទេសចិន។

       លោក Xi Jinping បានលើកឡើងថា ឆ្នាំនេះគឺជាខួបលើកទី៤៥ នៃការបង្កើតទំនាក់ទំនងការទូតរវាងប្រទេសចិន និងកូឡុំប៊ី។ យើងគួរចាត់ទុកឱកាស ដែលកូឡុំប៊ីចូលរួមជាផ្លូវការក្នុងមហាគ្រួសារនៃការរួមគ្នាកសាង « ខ្សែក្រវាត់ និងផ្លូវ » ប្រកបដោយគុណភាពខ្ពស់ជាកាលានុវត្តភាពមួយ   ដើម្បីជំរុញឱ្យកិច្ចសហប្រតិបត្តិការរវាងប្រទេសទាំងពីរឡើងដល់កម្រិតថ្មី។។  ភាគីទាំងពីរអាចពង្រីកកិច្ចសហប្រតិបត្តិការបន្ថែមទៀតលើវិស័យដូចជា  រថយន្តថាមពលថ្មី សេដ្ឋកិច្ចឌីជីថល និងបញ្ញាសិប្បនិម្មិតជាដើម ។កិច្ចប្រជុំថ្នាក់រដ្ឋមន្ត្រីលើកទី៤ នៃវេទិកាចិន-សហគមន៍ប្រទេសអាមេរិកឡាទីននិងការាបៀនត្រូវបានប្រារព្ធឡើងដោយជោគជ័យ ដែលបានបង្ហាញសញ្ញាវិជ្ជមានមួយទៅកាន់ពិភពលោក  ពោលគឺ ការអភិវឌ្ឍរួមគ្នានឹងជំរុញការស្តាសេដ្ឋកិច្ចឡើងវិញ។

      ជាការឆ្លើយតប  លោក Gustavo Petro  បានថ្លែងថា ប្រទេសកូឡុំប៊ីរំពឹងទុកពីការពង្រឹងទំនាក់ទំនងជាមួយចិន។  ការរួមគ្នាកសាង « ខ្សែក្រវាត់ និងផ្លូវ » បានលើកកម្ពស់គុណភាពនៃជីវភាពរស់នៅរបស់ប្រជាជនកូឡុំប៊ី ។ បច្ចុប្បន្ននេះ ទង្វើផ្តោតតែលើផលចំណេញរបស់ខ្លួននៃប្រទេសមួយចំនួនមិនមានអំណោយផលដល់សកលលោកនោះទេ    ប្រទេសនានាគួរតែរួមសាមគ្គីគ្នាដើម្បីឆ្លើយតបវិញ។ភាគីកូឡុំប៊ីមានឆន្ទៈសហការយ៉ាងជិតស្និទ្ធជាមួយចិន  ដើម្បីគាំពារសច្ចយុត្តិធម៌អន្តរជាតិ ក៏ដូចជាគាំពារផលប្រយោជន៍រួមរបស់ប្រទេសកំពុងអភិវឌ្ឍន៍ទាំងឡាយ៕