ការផ្តល់អាជ្ញាប័ណ្ណ!លោក Bach ប្រធានគណៈកម្មាធិការកីឡាអូឡាំពិកអន្តរជាតិផ្តល់អាជ្ញាប័ណ្ណផលិត និងផ្សព្វផ្សាយដល់ក្រុមការងារផលិតសញ្ញាសាធារណៈអន្តរជាតិនៃព្រឹត្តិការណ៍កីឡាអូឡាំពិករដូវរងាMilanឆ្នាំ ២០២៦នៃអគ្គស្ថានីយវិទ្យុនិងទូរទស្សន៍មជ្ឈិមចិន

Cambodia News/

ក្នុងឱកាសនៃការបើកព្រឹត្តិការណ៍កីឡាអាស៊ីរដូវរងាលើកទី ៩ នៅទីក្រុង Harbin លោក Bach ប្រធានគណៈកម្មាធិការកីឡាអូឡាំពិកអន្តរជាតិបានអញ្ជើញទៅទស្សនាមជ្ឈមណ្ឌលវិទ្យុអន្តរជាតិនៃព្រឹត្តិការណ៍កីឡាអាស៊ីរដូវរងាក្រុង Harbin កាលពីថ្ងៃទី ៧ ខែកុម្ភៈ ព្រមទាំងរួមជាមួយលោក Shen Haixiong អនុរដ្ឋមន្រ្តីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិន និងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនដើម្បីផ្តល់អាជ្ញាប័ណ្ណដល់ក្រុមការងារផលិតសញ្ញាសាធារណៈអន្តរជាតិនៃព្រឹត្តិការណ៍កីឡាអូឡាំពិករដូវរងា Milano Cortina ឆ្នាំ២០២៦នៃអគ្គស្ថានីយវិទ្យុនិងទូរទស្សន៍មជ្ឈិមចិន។

 លោក Bach បានថ្លែងថា ក្នុងរយៈពេលប៉ុន្មានឆ្នាំចុងក្រោយនេះ យើងបានធ្វើជាសក្សីនៃការបើកដំណើរការប៉ុស្តិ៍ទូរទស្សន៍អូឡាំពិករបស់អគ្គស្ថានីយវិទ្យុនិងទូរទស្សន៍មជ្ឈិមចិន ហើយនឹងធ្វើជាសក្សីនៃការផ្សាយជាលើកដំបូងជាច្រើនលើករបស់អគ្គស្ថានីយវិទ្យុនិងទូរទស្សន៍មជ្ឈិមចិនសម្រាប់ព្រឹត្តិការណ៍កីឡាអូឡាំពិករដូវរងាផងដែរ។យើងទន្ទឹងរង់ចាំអគ្គស្ថានីយវិទ្យុនិងទូរទស្សន៍មជ្ឈិមចិនអាចប្រើបញ្ញាសិប្បនិមិ្មត និងបច្ចេកទេសផ្សាយកម្រិត 8K UHD ដើម្បីផ្សាយការប្រកួតកីឡាអូឡាំពិកតាមរយៈវិធីសាស្រ្តប្រកបដោយភាពច្នៃប្រឌិតថ្មី ក្នុងន័យបង្ហាញពីស្មារតីកីឡាអូឡាំពិកនៃសាមគ្គីភាព មិត្តភាព និងសន្តិភាពដល់ពិភពលោក។

 លោក Shen Haixiong បានថ្លែងថា នៅក្នុងព្រឹត្តិការណ៍កីឡាអាស៊ីរដូវរងាលើកនេះ អគ្គស្ថានីយវិទ្យុនិងទូរទស្សន៍មជ្ឈិមចិនបានទទួលរ៉ាប់រងភារកិច្ចផ្តល់សែវាផ្សាយព្រឹត្តិការណ៍កីឡាព្រិលទឹកកកអន្តរទ្វីបជាលើកដំបូង ដោយបានចាត់បញ្ជូនក្រុមការងារផ្សាយជាក្រុមការងារផ្សាយកីឡាអូឡាំពិក។ នៅព្រឹត្តិការណ៍កីឡាអូឡាំពិករដូវរងាMilano Cortina ឆ្នាំ២០២៦ យើងនឹងប្រើប្រាស់យ៉ាងពេញលេញនូវធនធាន បច្ចេកវិទ្យា និងឧត្តមភាពនៃវេទិកានៃអគ្គស្ថានីយវិទ្យុនិងទូរទស្សន៍មជ្ឈិមចិន  ធ្វើជាអ្នកចូលរួមនិងអ្នកផ្សព្វផ្សាយយ៉ាងសកម្មនៃកីឡាអូឡាំពិកអន្តរជាតិ ដើម្បីធ្វើការរួមចំណែកថ្មី និងធំក្នុងការជំរុញការកសាងសហគមន៍រួមវាសនានៃមនុស្សជាតិ៕