វេទិកាពិភាក្សាស្តីពី «គោលនយោបាយថាមពលកម្ពុជា»
សារព័ត៌មាន Cambodia News/
ភ្នំពេញ ៖ នៅរសៀលថ្ងៃទី៤ ខែតុលា ឆ្នាំ២០២៤នេះ ក្លិបអ្នកកាសែតកម្ពុជា ដោយមានការគាំទ្រពីក្រសួងរ៉ែ និងថាមពល និងសាកលវិទ្យាល័យភូមិន្ទភ្នំពេញ បានរៀបចំវេទិកាពិភាក្សាស្តីពី «គោលនយោបាយថាមពលកម្ពុជា» នៅមជ្ឈមណ្ឌលសហប្រតិបត្តិការ កម្ពុជា-ជប៉ុន (CJCC)។
វេទិកាពិភាក្សានេះមានការអញ្ជើញចូលរួមពី ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល លោក ពុយ គា ប្រធានក្លិបអ្នកកាសែតកម្ពុជា និងអ្នកសារព័ត៌មានចំនួន៤៩នាក់ មកពី៣៥ស្ថាប័ន ព្រមទាំងសិស្សនិសិត្សជាង៤០០នាក់។
ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល បានលើកឡើងអំពីគម្រោងវិនិយោគលើវិស័យអគ្គិសនី ចំនួន២៣គម្រោង ដែលមានតម្លៃប្រមាណ ៥៧៩០លានដុល្លារអាមេរិក ដែលគណៈរដ្ឋមន្ដ្រីដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានអនុម័យកាលពីសប្ដាហ៍កន្លងទៅនេះ។
វេទិកាខាងលើន ក៏បានផ្តល់ឱកាសដល់អ្នកសារព័ត៌មានបានស្វែងយល់អំពីគម្រោងថាមពលស្អាត ឬថាមពលកកើតទ្បើងវិញនៅកម្ពុជាដែលរាជរដ្ឋាភិបាលទើបនឹងអនុម័តជាប្រវត្តិសាស្ត្រនាពេលថ្មីៗនេះ និងលើកជាសំណួរដើម្បី ឯកឧត្តមរដ្ឋមន្ត្រី បកស្រាយ និងពន្យល់បន្ថែមទាក់ទងប្រធានបទដ៏មានសារៈសំខាន់នេះ៕
