ពេលគេឃើញយើង តែគេព្រងើយ!

នៅពេលអ្នកដែលយើងស្គាល់ដើរកាត់មុខយើង ប៉ុន្តែគេបែរជាមិននិយាយរកយើង សូម្បីតែញញឹម សូមកុំអន់ចិត្តអី ព្រោះអាចមានហេតុផ្សេងៗ៖

– គេអាចមើលមិនឃើញយើង

– គេអាចប្រញាប់ពេក ភាំងមួយភ្លែត

– គេអាចធ្វើមិនស្គាល់ ព្រោះតែស្ថានការណ៍

– គេអាចធ្វើមិនឃើញ ព្រោះគេខ្ពង់ខ្ពស់ជាង

– គេអាចធ្វើមិនឃើញឬមិនហ៊ាន ព្រោះយើងខ្ពង់ខ្ពស់ជាងគេ

*****

សំខាន់ក្រេបមួយចឹប ហើយបន្តដំណើររបស់យើងទៀត។

សូមកុំយករឿងតូចតាចដាក់ក្នុងចិត្ត ដ្បិតនាំរំខានដល់ជីវិតស្រស់ស្រាយនៃយើង។

*****

មានគំនិតវិជ្ជមាន និងសុទិដ្ឋិនិយមឱ្យបានច្រើន ខណៈត្រូវប្រឹងសន្សំពុទ្ធិ និងទ្រព្យ ដោយកុំចំណាយពេលគិតរឿងគេច្រើនពេក នោះជីវិតយើងនឹងផូរផង់!
ឆាយ សុផល
៧ ឧសភា ២០២៤