ក្នុងរបបរដ្ឋប្រហារយោធាពីរឆ្នាំ មីយ៉ាន់ម៉ារងទណ្ឌកម្មថ្មីពីសហរដ្ឋអាមេរិក
សារព័ត៌មាន Cambodia News/
មីយ៉ាន់ម៉ា ៖ នៅថ្ងៃអង្គារ ទី៣១ ខែមករា បើតាមការចុះផ្សាយដោយសារព័ត៌មានបរទេសបានឱ្យដឹងថា អគ្គនាយកដ្ឋានរតនាគារនៃរដ្ឋាភិបាលទីក្រុងវ៉ាស៊ីនតោនបានដាក់ទណ្ឌកម្មលើគណៈកម្មការរៀបចំបោះឆ្នោតសហភាពមីយ៉ាន់ម៉ា សហគ្រាសរ៉ែ និងមន្ត្រីវិស័យថាមពល ក្នុងចំណោមបុគ្គលសំខាន់ៗដទៃទៀត។
ការដាក់ទណ្ឌកម្មបន្ថែមលើប្រទេសមីយ៉ាន់ម៉ា ដែលជាថ្ងៃគម្រប់ខួបពីរឆ្នាំនៃរដ្ឋប្រហារយោធា ជាមួយនឹងការទប់ស្កាត់មន្ត្រីថាមពល និងសមាជិកសំខាន់ៗរបបយោធា ក្នុងចំណោមបុគ្គលសំខាន់ៗដទៃទៀត។
អ្នកនាំពាក្យអគ្គនាយកដ្ឋានរតនាគារបាននិយាយថា វាគឺជាលើកដំបូងហើយដែលសហរដ្ឋអាមេរិកបានកំណត់គោលដៅទៅលើមន្ត្រីទណ្ឌកម្មសហគ្រាសប្រេង និងឧស្ម័ន ដែលស្ថិតក្រោមកម្មវិធីដាក់ទណ្ឌកម្មលើសហភាពមីយ៉ាន់ម៉ានាពេលបច្ចុប្បន្ន។ បន្ថែមពីលើនេះ ចក្រភពអង់គ្លេស កាណាដា និងអូស្រ្តាលីក៏ត្រៀមធ្វើការប្រកាសទណ្ឌកម្មបន្ថែមលើមីយ៉ាន់ម៉ាដូចគ្នា៕
