សម្តេចតេជោ ណែនាំឲ្យរដ្ឋមន្ត្រីក្រសួងព័ត៌មាន ដកអាជ្ញាបណ្ណអ្នកសារព័ត៌មានណា ជេរប្រមាថអ្នកដទៃ
ថ្ងៃចេញផ្សាយៈ August 23, 2022
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានធ្វើការណែនាំឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ដកអាជ្ញាបណ្ណអ្នកសារព័ត៌មានណាដែលប្រើប្រាស់ភាសាជេរប្រមាថអ្នកដទៃ។
សម្តេចបានធ្វើការណែនាំដូច្នេះក្នុងឱកាសចូលរួមក្នុងពិធីចែកសញ្ញាបត្រដល់និសិត្សប្រមាណ៣០៧៥នាក់នៅសាកលវិទ្យាលយ័អាស៊ី-អឺរ៉ុប នៅព្រឹកថ្ងៃទី២៣ ខែសីហា ឆ្នាំ២០២២នេះ។
សម្តេចតេជោបានថ្លែងថា នៅពេលខាងមុខប្រសិនបើមានអ្នកសារពត៌មានណា ប្រើប្រាស់ភាសាជេរប្រមាថអ្នកដទៃ គឺត្រូវដកអាជ្ញាបណ្ណ័ពួកគេតែម្តង។
សម្តេចបានបញ្ជាក់ថា រាជរដ្ឋាភិបាលផ្តល់សិទ្ធិដល់ប្រជាពលរដ្ឋក្នុងការនិយាយបញ្ចេញមតិ តែរាជរដ្ឋាភិបាលមិនបានផ្តល់សិទ្ធិជេរប្រមាថអ្នកដទៃនោះទ្បើយ៕
