ក្រសួងសុខាភិបាលច្រានចោលព័ត៌មានមិនពិតដែលថា ស្ដ្រីមានផ្ទៃពោះ៨ខែម្នាក់កើតជំងឺអុតស្វា
សារព័ត៌មាន Cambodia News/
ថ្ងៃចេញផ្សាយៈ July 27, 2022
ភ្នំពេញ ៖ យោងតាមសេចក្តីប្រកាសព័ត៌មានរបស់ក្រសួងសុខាភិបាលនៅព្រឹកថ្ងៃទី២៧ ខែកក្កដា ឆ្នាំ២០២២នេះ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានចេញមកច្រានចោលព័ត៌មានមិនពិតថា ស្ដ្រីមានផ្ទៃពោះ៨ខែម្នាក់ នៅខេត្ដសៀមរាប កើតជំងឺអុតស្វា។
តាមសេចក្តីប្រកាសរបស់ក្រសួងសុខាភិបាលបានរៀបរាបថា ស្ដ្រីរូបនោះមានរោគសញ្ញាស្រដៀងនឹងជំងឺអុតស្វា ដោយមានចេញពងបែកនៅលើទ្រូង និងដៃ ហើយត្រូវបានក្រុមគ្រួសារនាំយកមកពិនិត្យព្យាបាលនៅមន្ទីរពេទ្យនៅថ្ងៃទី២៥ ខែកក្កដា ឆ្នាំ២០២២ ក្រោមមកក្រុមគ្រូពេទ្យបានយកវត្ថុសំណាករបស់អ្នកជំងឺទៅវិភាគនៅវិទ្យាស្ថានប៉ាស្ទ័រ ដោយលទ្ធផលបញ្ជាក់ថា «អវិជ្ជមានជំងឺអុតស្វា»។
តាមសេចក្តីប្រកាសដដែលបានឲ្យដឹងថា បច្ចុប្បន្នស្ដ្រីវ័យ២៣ឆ្នាំ រស់នៅភូមិទ្រាំង សង្កាត់ស្លក្រាម ក្រុងសៀមរាប គាត់មានស្ថានភាពវិវត្តន៍ទៅរក ការធូរស្រាលជាបណ្ដើរៗ ក្រោមការជួយពិនិត្យតាមដាន និងព្យាបាលជំងឺនេះជូនគាត់ ដោយក្រុមគ្រូពេទ្យ នៃមន្ទីរពេទ្យខេត្តសៀមរាប៕ ដោយ៖ សហការី
