សេចក្តីជូនដំណឹងស្តីពីវគ្គបណ្តុះបណ្តាល គោលនយោបាយថ្មីៗ និងសុវត្ថិភាពនៃការប្រើប្រាស់ប្រព័ន្ធហ្វេសប៊ុក
សារព័ត៌មាន Cambodia News/
ថ្ងៃចេញផ្សាយៈ June 29, 2022/
ភ្នំពេញ ៖ ក្លិបអ្នកកាសែតកម្ពុជា (ក.អ.ក) ជម្រាបជូនសមាជិកសមាជិកា ក.អ.ក រួមទាំងអ្នកសារព័ត៌មានទាំងអស់ថា ក្រុមហ៊ុនហ្វេសប៊ុក (Facebook) នឹងរៀបចំវគ្គបណ្តុះបណ្តាលស្តីពី គោលនយោបាយថ្មីៗរបស់ហ្វេសប៊ុក និងអំពីសុវត្ថិភាពនៃការប្រើប្រាស់ប្រព័ន្ធហ្វេសប៊ុករួមទាំងចំណុចសំខាន់ៗមួយចំនួនទៀតទាក់ទងនឹងប្រព័ន្ធហ្វេសប៊ុក។
ក.អ.ក យល់ឃើញថា វគ្គបណ្តុះបណ្តាលនេះមិនគ្រាន់តែជាលើកទី១នោះទេ តែវាមានសារសំខាន់ណាស់សម្រាប់អ្នកសារព័ត៌មានពិសេសអ្នកសារព័ត៌មានអនឡាញនៅកម្ពុជា។
អ្នកសារព័ត៌មានប្រមាណ៣០នាក់ត្រូវបានអញ្ជើញចូលរួមវគ្គបណ្តុះបណ្តាលនេះ ហើយពួកគេនឹងមានឱកាសសាកសួរដល់វាគ្មិនជំនាញនូវអ្វីដែលមិនទាន់បានយល់ដឹងទាក់ទងប្រព័ន្ធហ្វេសប៊ុក។
វគ្គបណ្តុះបណ្តាលខាងលើនេះ នឹងត្រូវរៀបចំធ្វើឡើងនៅថ្ងៃទី២១ ខែកក្កដា ឆ្នាំ២០២២ ដោយចាប់ផ្តើមពីម៉ោង៨:០០នាទីព្រឹក ដល់ម៉ោង១២:០០នាទីថ្ងៃត្រង់ នៅសណ្ឋាគារហៃយ៉ាតរីជិនស៊ីភ្នំពេញ (Hyatt Regency Phnom Penh) អាសយដ្ឋានផ្ទះលេខ៥៥ ផ្លូវលេខ១៧៨ សង្កាត់ជ័យជំនះ រាជធានី ភ្នំពេញ។
ដូច្នេះប្រសិនបើសមាជិក សមាជិកា រួមទាំងអ្នកសារព័ត៌មានចាប់អារម្មណ៍សូមរួសរាន់ចុះឈ្មោះនៅទីស្នាក់ការក្លិបអ្នកកាសែតកម្ពុជា (ក.អ.ក) អាសយដ្ឋានផ្ទះលេខ ១២ ផ្លូវលេខ៥ (បុរីប៉េងហួត មុខផ្សារប៉េសេ ផ្លូវ៣៧១) សង្កាត់ចាក់អង្រែលើ ខ័ណ្ឌមានជ័យ រាជធានីភ្នំពេញ ឬតាមរយៈទូរស័ព្ទតេលេក្រាមលេខ ០១២ ៨៩៥ ៨៥៣ និង០១៧ ២៩៧ ៤៤៧៕
