កម្ពុជារកឃើញករណីសង្ស័យជំងឺអុតស្វាលើមនុស្ស៦នាក់ តែលទ្ធផលពីមន្ទីរពិសោធន៍ «អវិជ្ជមាន»
សារព័ត៌មាន Cambodia News/
ថ្ងៃចេញផ្សាយៈ June 2, 2022/
ភ្នំពេញ ៖ តាមការផ្សាយពីផេកផ្លូវការនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល នៅព្រឹកថ្ងៃទី០២ ខែមិថុនា ឆ្នាំ២០២២នេះ កម្ពុជាបានរកឃើញករណីសង្ស័យជំងឺអុតស្វាលើមនុស្ស៦នាក់ ហើយបានធ្វើតេស្ដយកទៅមន្ទីរពិសោធន៍ តែលទ្ធផលបង្ហាញថា «អវិជ្ជមាន»។
ប្រភពដដែលបញ្ជាក់ថា «យេីងរកឃេីញករណីសង្ស័យជំងឺអុតស្វាចំនួន ៦ករណី តែក្រោយធ្វេីតេស្តមន្ទីរពិសោធន៍នៅវិទ្យាស្ថានប៉ាស្ទ័របញ្ជាក់ថា អវិជ្ជមានមេរោគជំងឺអុតស្វាទាំងអស់ មានន័យថាគ្មានជំងឺនេះក្នុងប្រទេសយេីងទេ រហូតពេលនេះ» ។ ក្នុងករណីសង្ស័យ ចំនួន៦នាក់ មិនមែនបញ្ជាក់ជំងឺអុតស្វានោះទេ។ ក្នុងនោះ៥នាក់ជាមនុស្សធំ និងម្នាក់ជាកូនក្មេង។
ករណីសង្ស័យជំងឺ ៖ មានកន្ទួលឬពងបែក លេីដៃ បាតដៃ ជេីង បាតជេីង ឬលេីមុខ និងមានរោគសញ្ញាមួយឬច្រេីនដូចជាគ្រុនក្តៅលេីស ៣៨.៥ អង្សាសេ ឈឺសាច់ដុំ ឡេីនកូនកណ្តុរ ឈឺក្បាល ឈឺខ្នង បើមានករណីសង្ស័យ សូមពិគ្រោះជំងឺនៅមន្ទីរពេទ្យជិតបំផុត ឬទូរស័ព្ទទៅលេខ ១១៥៕
