សម្តេចតេជោ ៖ ថ្ងៃនេះជាថ្ងៃទី៥ហើយ ដែលកម្ពុជាមិនមានអ្នកឆ្លងជំងឺកូវីដ១៩
សារព័ត៌មាន Cambodia News/
ថ្ងៃចេញផ្សាយៈ May 12, 2022/
វ៉ាស៊ីនតោន ៖ ថ្លែងចេញពីរដ្ឋធានីវ៉ាស៊ីនតោន សហរដ្ឋអាមេរិក នៅព្រឹកថ្ងៃទី១២ ខែឧសភា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាបានប្រកាសថា នៅថ្ងៃនេះ ជាថ្ងៃទី៥ហើយ ដែលកម្ពុជាគ្មានអ្នកឆ្លងជំងឺកូវីដ១៩នោះទេ។
សម្ដេចតេជោ ហ៊ុន សែន បានប្រកាសបែបនេះក្នុងឱកាសជួបសំណេះសំណាលជាមួយប្រជាពលរដ្ឋខ្មែររស់នៅសហរដ្ឋអាមេរិក និងកាដាណា ប្រមាណជាង២ពាន់នាក់ គ្រាដែលសម្ដេចអញ្ជើញទៅបំពេញបេសកកម្មនៅទីនោះ។
សម្ដេចតេជោ ហ៊ុន សែន បានមានប្រសាសន៍ថា «ថ្ងៃនេះកម្ពុជាទទួលបានលទ្ធផលសូន្យកូវីដ១៩ ដែលជាថ្ងៃទី៥ហើយ»។
គិតត្រឹមការប្រកាសរបស់ក្រសួងសុខាភិបាល ថ្ងៃទី១១ ខែឧសភា ឆ្នាំ២០២២ កម្ពុជារកឃើញអ្នកឆ្លងជំងឺកូវីដ១៩ ៖ សរុបចំនួន១៣៦,២៦២នាក់, អ្នកជាសះស្បើយសរុបចំនួន ១៣៣,១៨៤នាក់, ស្លាប់សរុបចំនួន ៣,០៥៦នាក់៕
