ខៀវ កាញារីទ្ធៈ កម្ពុជាទទួលជោគជ័យរឿងជំងឺកូវីដ ១៩ នាំឱ្យបានវ៉ាក់សាំងច្រើន និងសល់រាប់លានដូស
សារព័ត៌មាន Cambodia News/
ថ្ងៃចេញផ្សាយៈ May 2, 2022/
កំពង់ចាម ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាជាសមាជិក គណៈកម្មាធិការកណ្តាល គណបក្សប្រជាជនកម្ពុជា បានថ្លែងថាៈ ដោយឃើញរាជរដ្ឋាភិបាលកម្ពុជា មានមារយាទ ក្នុងការគ្រប់គ្រងជំងឺកូវីដ ១៩ ទទួលបានជោគជ័យ ចំណាត់ថ្នាក់លេខ២ លើសកលលោក ដោយបានទទួលអំណោយ ជាវ៉ាក់សាំង ចាក់ជូនប្រជាពលរដ្ឋ បានច្រើន ហើយនៅសល់ រាប់លានដូស។
ឯកឧត្ត បានថ្លែងបែបនេះ ក្នុងឱកាសអញ្ជើញចូលរួមសំណេះសំណាល ជាមួយក្រុមប្រឹក្សាឃុំ បេក្ខជនឈរឈ្មោះបោះឆ្នោត ក្រុមប្រឹក្សាឃុំសង្កាត់ ប្រមាណ ៣០០ នាក់ អាណត្តិទី៥ ឆ្នាំ២០២២ នៅស្រុកកោះសូទិន ខេត្តកំពង់ចាម នៅព្រឹកថ្ងៃទី ១ ឧសភា ឆ្នាំ២០២២។
ឯកឧត្តបានថ្លែងថា កន្លងទៅថ្មីៗនេះ ប្រទេសអ៊ីតាលី បានទទួលស្គាល់ ប្រទេសកម្ពុជា ក្នុងការប្រយុទ្ធប្រឆាំងនឹងជំងឺកូវីដ ១៩ ហើយបានសម្រេចផ្តល់វ៉ាក់សាំង បង្ការជំងឺនេះ រហូតបច្ចុប្បន្ន កម្ពុជា បាននៅសល់វ៉ាក់សាំងនេះ រាប់លានដូស គឺទទួលបានជោគជ័យ ជាប់ចំណាត់ថ្នាក់លេខ២ លើសកលលោក ក្នុងការគ្រប់គ្រង ជំងឺនេះ ដោយសារការចាក់វ៉ាក់សាំង ជូនប្រជាពលរដ្ឋ។
ឯកឧត្តបានបន្តថា ជោគជ័យដ៏ធំធេងនេះ បានមកពីការខិតខំប្រឹងប្រែងរបស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលសម្តេច បានថ្លែងថា «មិនមែនយើងពូកែ ជាមហាអំណាច ខាងពេទ្យអ្វីទេ ប៉ុន្តែការគ្រប់គ្រងរបស់យើង បានម៉ត់ចត់ ប្រជាពលរដ្ឋទុកចិត្ត រាជរដ្ឋាភិបាល ដឹកនាំដោយសម្តេច។»៕
