ឯកឧត្តម ឃួង ស្រេង ៖ គណបក្សប្រជាជាជនកម្ពុជា មិនរើសអើង និងមិនទុកអោយ ប្រជាពលរដ្ឋណាម្នាក់ ស្លាប់ដោយការអត់បាយ
សារព័ត៌មាន Cambodia News/
ថ្ងៃចេញផ្សាយៈ May 2, 2022/
ភ្នំពេញ ៖ ឯកឧត្តម ឃួង ស្រេង សមាជិកគណៈកម្មាធិការកណ្តាល គណបក្សប្រជាជាជនកម្ពុជា, និងជាប្រធានគណៈកម្មាធិការ គណបក្សប្រជាជាជនកម្ពុជា រាជធានីភ្នំពេញ បានបញ្ជាក់ថា គណបក្សប្រជាជាជនកម្ពុជា មិនរើសអើង ជួយការពារអាយុជីវិត និងមិនទុកអោយមានប្រជាពលរដ្ឋណាម្នាក់ ស្លាប់ដោយការអត់បាយនោះទេ។
ឯកឧត្តម ឃួង ស្រេង បានបញ្ជាក់បែបនេះនៅក្នុងឱកាសអញ្ជើញជាអធិបតី ក្នុងពិធីប្រកាសបញ្ចូលសមាជិក សមាជិកា គណបក្សប្រជាជាជនកម្ពុជា ចំនួន ៧៨ រូប នៅមន្ទីរគណៈកម្មាធិការ គណបក្សប្រជាជាជនកម្ពុជា រាជធានីភ្នំពេញ នារសៀលថ្ងៃទី១ ខែឧសភា ឆ្នាំ២០២២។
លោក ឃួង ស្រេង បានបញ្ជាក់ថា បងប្អូនទាំង ៧៨ រូបគឺជាអតីតបេក្ខជនឈរ ឈ្មោះបោះឆ្នោត ឃុំ សង្កាត់ របស់គណបក្សភ្លើងទៀន នៅតាមបណ្តាសង្កាត់មួយចំនួន នៅក្នុងរាជធានីភ្នំពេញ តែពេលនេះ ពួកគាត់បានយល់ច្បាស់ ពីគោលនយោបាយដ៏ល្អ របស់គណបក្សប្រជាជាជនកម្ពុជា ទើបពួកគាត់ស្ម័គ្រចិត្ត មករួមរស់ជីវភាពជាមួយ គណបក្សប្រជាជាជនកម្ពុជាវិញ។
ឯកឧត្តម ឃួង ស្រេង បានមានប្រសាសន៍ថា គណបក្សប្រជាជាជនកម្ពុជា ក្រោមការដឹកនាំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធាន បានលះបង់គ្រប់ បែបយ៉ាង ដើម្បីស្វែងរកសន្តិភាព ជូនប្រជាពលរដ្ឋកម្ពុជា ការពារអាយុជីវិត ជាក់ស្តែងក្នុងបរិបទជំងឺកូវីដ-១៩ សម្តេចតេជោ ហ៊ុន សែន បានស្វះស្វែងរកគ្រប់មធ្យោបាយ ដើម្បីយកវ៉ាក់សាំង មក ចាក់ជូនប្រជាពលរដ្ឋ អោយបានគ្រប់គ្នា ដោយគិតមកដល់ពេលនេះ ប្រជាពលរដ្ឋ ចាក់ដូសទី៣ បានចំនួនជាង ១០០% ហើយ ហើយបាននិងកំពុងដំណើរការចាក់ដូសទី៤ ជូនប្រជាពលរដ្ឋ បន្ថែមទៀត៕ ដោយ ៖ សហការី
